Ŋɔɔ Ohiɛ Ofɔ̃ Yehowa nɔ, ni Ofee Ekpakpa

“Ohiɛ akakɔ̃ mɛi ni tsuɔ nii ni ejaaa lɛ anɔ”

37:1, 2

• Kaahã bɔ ni mɛi fɔji lɛ shwereɔ lɛ hã ojwɛŋmɔ je Yehowa ni ooosɔmɔ lɛ lɛ nɔ. Hã ojwɛŋmɔ ahi mumɔŋ jɔɔmɔi kɛ mumɔŋ otii ni okɛmamɔ ohiɛ lɛ anɔ

“Ŋɔɔ ohiɛ ofɔ̃ Yehowa nɔ, ni ofee ekpakpa”

37:3

• Ná nɔmimaa akɛ Yehowa baaye abua bo kɛ́ oyiŋ miifee bo kɔshikɔshi loo ofee yeyeeye. Ebaaye ebua bo ni oya nɔ oye anɔkwa

• Shiɛmɔ Nyɔŋmɔ Maŋtsɛyeli lɛ he sanekpakpa lɛ be fɛɛ be

“Omii ashɛ Yehowa he”

37:4

• Too be kɛkane Nyɔŋmɔ Wiemɔ lɛ ni ojwɛŋ nɔ, koni no ahã ole Yehowa jogbaŋŋ

‘Ŋɔɔ gbɛ ní onyiɛ nɔ lɛ ofɔ̃ Yehowa nɔ’

37:5, 6

• Ná nɔmimaa akɛ Yehowa baaye abua bo kɛtsu naagba fɛɛ naagba ni okɛkpeɔ lɛ he nii

• Ba ojeŋ jogbaŋŋ kɛ́ okɛ shiteekɛwoo, yiwaa, loo naafolɔmɔ kpe

‘Feemɔ dioo yɛ Yehowa hiɛ, ni oto otsui shi omɛ lɛ’

37:7-9

• Okɛ oyaiyeli akɛfee nɔ ko ni baafite omiishɛɛ kɛ hebuu ni Yehowa kɛhãa bo lɛ

“Mɛi ni he jɔ lɛ, shikpɔŋ lɛ aaatsɔ̃ amɛnɔ̃”

37:10, 11

• Okɛ heshibaa amɛ Yehowa kɛyashi ebaajie jalɛ sane ni ayeee ni okɛkpeɔ lɛ fɛɛ

• Ye obua nyɛmimɛi héyelilɔi lɛ, ni okɛ jeŋ hee ni Nyɔŋmɔ ewo he shi akɛ etsɛŋ ekɛbaaba lɛ ashɛje mɛi ni ehao lɛ amii