Kɛ́ Wɔhã Wɔshihilɛ Fee Mlɛo lɛ, Wɔnyɛɔ Wɔjieɔ Nyɔŋmɔ Yi

Ŋmɛnɛ lɛ, ewaaa akɛ wɔbaahã heloonaa nibii babaoo ahã wɔshihilɛ afee haŋtsii. Nibii babaoo ni wɔyɔɔ lɛ heɔ wɔbe kɛ wɔhewalɛ fɛɛ, ejaakɛ wɔfiteɔ be kɛyataoɔ, kɛwoɔ he nyɔmɔ, kɛkuraa, ni wɔfiteɔ be hu kɛbaa yi. Yesu hã eshihilɛ fee mlɛo bɔ ni afee ni heloonaa nibii akagbala ejwɛŋmɔ kɛjɛ esɔɔmɔ nitsumɔ lɛ nɔ.​—Mat 8:20.

Te ooofee tɛŋŋ ohã oshihilɛ afee mlɛo bɔ ni afee ni onyɛ otsu babaoo yɛ sɔɔmɔ nitsumɔ lɛ mli lɛ? Kɛ́ onyɛ ofee tsakemɔi fioo komɛi lɛ, ani oweku lɛ mli nyo ko baanyɛ ebatsɔ gbɛgbalɔ? Kɛ́ amrɔ nɛɛ oji be fɛɛ sɔɔlɔ lɛ, ani oŋmɛ gbɛ ni fiofio lɛ heloonaa nibii miihe obe fɛɛ? Kɛ́ ohã oshihilɛ fee mlɛo yɛ Yehowa sɔɔmɔ mli lɛ, obaaná miishɛɛ waa.​—1Ti 6:7-9.

Ŋmalamɔ gbɛi anɔ ni obaanyɛ otsɔ ohã oshihilɛ afee mlɛo lɛ oshwie shi.