Biblia lɛ Tsɔɔ Mɔ ni Yoo Kpakpa Ji

Anaa ŋaawoo ni sɛɛnamɔ yɔɔ he waa, ni Maŋtsɛ Lemuel mami kɛhã lɛ lɛ yɛ Abɛi 31 lɛ. Ŋaawoo kpakpa ni emami kɛhã lɛ lɛ hã ena nɔ ni esa akɛ etao yɛ yoo kpakpa he.

Yoo kpakpa lɛ, anyɛɔ amuɔ afɔ̃ɔ enɔ

31:10-12

• Kɛ́ aakpɛ yiŋ ko yɛ weku lɛ mli lɛ, ejɛɔ bulɛ mli etsɔɔ esusumɔ, kɛ̃lɛ eyaa nɔ ebaa ehe shi

• Ewu yɛ hekɛnɔfɔɔ yɛ emli akɛ ebaakpɛ yiŋ ni nilee yɔɔ mli, ni ewu kpaaa lɛ gbɛ akɛ nɔ fɛɛ nɔ ni ebaakpɛ eyiŋ yɛ he lɛ, esa akɛ ebi lɛ dã

Yoo kpakpa lɛ, etsuɔ nii waa

31:13-27

• Efiteee shika kɛkɛ, ehãa eshihilɛ feɔ mlɛo, ehãa eweku lɛ hesaamɔ feɔ nɔ ni he tse, ni yɔɔ hiŋmɛi nɔ, ni ehãa amɛnáa niyenii ni sa

• Etsuɔ nii waa, ni ekwɛɔ eshĩabii be fɛɛ be

Yoo kpakpa lɛ, ehiɛ dɔɔ Nyɔŋmɔjamɔ he

31:30

• Esheɔ Nyɔŋmɔ gbeyei, ni efeɔ nibii ni baahã wekukpãa kpakpa ahi ekɛ lɛ teŋ