Kaimɔ Ni Osɔle Ohã Kristofoi Ni Awaa Amɛ Yi Lɛ

Biblia lɛ gba akɛ Satan baabɔ mɔdɛŋ ni etsĩ wɔshiɛmɔ nitsumɔ lɛ naa kɛtsɔ yiwaa nɔ. (Yoh 15:20; Kpo 12:17) Mɛɛ gbɛ nɔ wɔbaanyɛ wɔtsɔ wɔye wɔbua wɔnyɛmimɛi Kristofoi ni awaa amɛ yi yɛ maji krokomɛi anɔ lɛ? Wɔbaanyɛ wɔsɔle wɔhã amɛ. Biblia lɛ kɛɔ akɛ, “Jalɔ fai ní ekɛ hiɛdɔɔ kpaa lɛ yɛ hewalɛ waa.”​—Yak 5:16.

Mɛni he wɔbaanyɛ wɔsɔle yɛ? Wɔbaanyɛ wɔbi Yehowa ni ehã wɔnyɛmimɛi lɛ ekãa, ni eye ebua amɛ ni amɛkashe gbeyei. (Yes 41:10-13) Wɔbaanyɛ wɔsɔle wɔhã nɔyelɔi lɛ hu bɔ ni afee ni amɛná jwɛŋmɔ ni ja yɛ shiɛmɔ nitsumɔ lɛ he, ‘koni wɔya nɔ wɔhi shi kpoo yɛ toiŋjɔlɛ mli.’​—1Ti 2:1, 2.

Be ni awa Paulo kɛ Petro yi lɛ, klɛŋklɛŋ afii 100 lɛ mli Kristofoi lɛ sɔle amɛhã amɛ, ni amɛtsĩ amɛgbɛ́i tã yɛ amɛsɔlemɔ lɛ mli. (Bɔf 12:5; Ro 15:30, 31) Ŋmɛnɛ lɛ, kɛ́ wɔlé mɛi fɛɛ ni awaa amɛyi lɛ agbɛ́i po lɛ, ani wɔbaanyɛ wɔtsĩ amɛsafoi, maji, loo kpokpai atã yɛ wɔsɔlemɔi amli?

Ŋmalamɔ maji ni aawa Kristofoi ayi yɛ jɛmɛ ni obaasumɔ ni osɔle ohã amɛ lɛ oshwie shi.