Wiiti Lɛ Kɛ Jwɛi Lɛ He Nɔkwɛmɔnɔ Lɛ

Yesu gba wiiti lɛ kɛ jwɛi lɛ he nɔkwɛmɔnɔ lɛ kɛtsɔɔ bɔ ni ebaahala Kristofoi ni afɔ amɛ mu ni akɛ wiiti lɛ feɔ amɛhe mfoniri lɛ kɛjɛ adesai ateŋ, kɛ be ni ebaafee nakai. Ebɔi amɛ halamɔ kɛjɛ afi 33 Ŋ.B.

13:24

‘Nuu ko du dumɔwu kpakpa yɛ eŋmɔ mli’

• Nidulɔ: Yesu Kristo

• Dumɔwu kpakpa lɛ dumɔ: Akɛ mumɔ krɔŋkrɔŋ lɛ fɔ Yesu kaselɔi lɛ mu

• Ŋmɔ lɛ: Adesai ni yɔɔ je lɛ mli

13:25

“Be ni mɛi ewɔ lɛ, ehenyɛlɔ ba ni ebadu jwɛi”

• Henyɛlɔ lɛ: Abonsam

• Be ni mɛi ewɔ lɛ: Be ni bɔfoi lɛ egboi

13:30

“Nyɛhãa fɛɛ adaraa kɛyashi nikpamɔ be lɛ”

• Wiiti lɛ: Kristofoi ni afɔ amɛ mu

• Jwɛi lɛ: Amale Kristofoi

“Klɛŋklɛŋ lɛ, nyɛfamɔa jwɛi lɛ . . . ; no sɛɛ lɛ, nyɛbuaa wiiti lɛ naa”

• Nyɔji/nikpalɔi: Ŋwɛibɔfoi

• Afamɔ jwɛi lɛ: Atse amale Kristofoi lɛ kɛje Kristofoi ni afɔ amɛ mu lɛ ahe

• Abua wiiti lɛ naa ayawo nitoohe lɛ: Abua Kristofoi ni afɔ amɛ mu lɛ anaa awo Kristofoi asafo ni ato shishi ekoŋŋ lɛ mli

Be ni nikpamɔ be lɛ je shishi lɛ, mɛni hã esoro anɔkwa Kristofoi lɛ yɛ amale Kristofoi lɛ ahe?

Kɛ́ minu nɔkwɛmɔnɔ nɛɛ shishi lɛ, mɛɛ gbɛ nɔ maná he sɛɛ?