Ná Hesai Pii Yɛ Shiɛmɔ Nitsumɔ Lɛ Mli​—Tsɔɔmɔ O-Biblia Mli Nikaselɔi Lɛ Bɔ Ni Asaa He Kɛhã Nikasemɔ

NƆ HEWƆ NI EHE HIAA: Kɛ́ wɔ-Biblia mli nikaselɔi lɛ saa amɛhe kɛhã nikasemɔ lɛ, ebaaye ebua amɛ ni amɛnu nɔ ni wɔtsɔɔ amɛ lɛ shishi oya, ni amɛkai hu. Ni kɛ́ amɛnuɔ nibii ni wɔtsɔɔ amɛ lɛ ashishi, ni amɛkaiɔ hu lɛ, amɛbaaya amɛhiɛ oyayaayai. Kɛ́ abaptisi amɛ po lɛ, ehe baahia ni amɛsaa amɛhe kɛhã asafoŋ kpeei kɛ shiɛmɔ bɔ ni afee ni ‘amɛya nɔ amɛbu.’ (Mat 25:13) No hewɔ lɛ, kɛ́ amɛle bɔ ni akaseɔ nii ahãa, ni amɛkaseɔ nii be fɛɛ be lɛ, ebaawa amɛ amɛwala gbii abɔ fɛɛ. Kɛ́ wɔkɛ mɛi bɔi nikasemɔ nɔŋŋ lɛ, esa akɛ wɔye wɔbua amɛ ni amɛle bɔ ni asaa he kɛhã Biblia mli nikasemɔ.

BƆ NI OBAAFEE LƐ OHÃ:

• 

  Feemɔ nɔkwɛmɔnɔ kpakpa. (Ro 2:21) Be fɛɛ be kɛ́ okɛ nikaselɔ lɛ yaakase nii lɛ, saamɔ ohe, ni ohã mɔ lɛ ahi ojwɛŋmɔŋ be ni osaa ohe lɛ. (km 11/15 3) Hã ena akɛ ofolɔ hetoi lɛ ashishi

• 

  Wo lɛ hewalɛ ni esaa ehe. Kɛ́ nikasemɔ lɛ mɔ shi nɔŋŋ lɛ, hã ele akɛ ehe ni ebaasaa kɛhã nikasemɔ fɛɛ nikasemɔ lɛ fata Biblia mli nikasemɔ gbɛjianɔtoo lɛ he, ní otsɔɔ lɛ sɛɛnamɔi ni yɔɔ he. Tsɔɔmɔ lɛ nibii ni ebaanyɛ efee koni ená dekã kɛsaa ehe. Nɔ ni nyɛmimɛi komɛi feɔ nɛ: Kɛ́ amɛkɛ mɔ ko miikase nii lɛ, amɛkɛ amɛwolo ni amɛfolɔ hetoi lɛ ashishi yɛ mli lɛ hãa mɔ lɛ koni ehiɛ no kɛhã nikasemɔ lɛ, bɔ ni afee ni ena sɛɛnamɔi ni yɔɔ he akɛ ebaafolɔ hetoi lɛ ashishi be ni esaa ehe lɛ. Kɛ́ esaa ehe kɛhã nikasemɔ lɛ, jiemɔ eyi

• Tsɔɔmɔ lɛ bɔ ni asaa he kɛhã nikasemɔ. Nɔ ni nyɛmimɛi komɛi feɔ ji akɛ, kɛ́ amɛkɛ mɔ ko bɔi nikasemɔ nɔŋŋ lɛ, amɛkɛ be ni amɛkɛbaakase nii lɛ fɛɛ tsɔɔ lɛ bɔ ni asaa he kɛhã nikasemɔ