Yehowa Baawa Bo ní Ofee Ekãa

Kɛ́ oyaa skul lɛ, ani bei komɛi lɛ osheɔ gbeyei akɛ obaahã ale akɛ Yehowa Odasefonyo ji bo? Ani ewa kɛhã bo akɛ obaaye odase? Kɛ́ nakai lɛ, te obaafee tɛŋŋ ‘oná ekãa’ ni ohã mɛi ale Yehowa lɛ? (1Te 2:2) Mɛni hewɔ esa akɛ ofee ekãa? Kwɛmɔ vidio ni ji, Yehowa Baawa Bo ní Ofee Ekãa, koni no sɛɛ lɛ ohã sanebimɔi ni nyiɛ sɛɛ nɛɛ ahetoo:

1. 

   Mɛɛ Biblia mli sane wa Sophia ni ená ekãa?

2. Mɛɛ gbɛ nɔ nɔkwɛmɔnii ni Sophia kɛ eweku lɛ fee lɛ ye ebua lɛ?

3. Mɛni hewɔ esa akɛ oye oskulbii lɛ odase lɛ?

4. Kɛ́ ogbe skul naa momo lɛ, bo hu mɛni okase yɛ vidio nɛɛ mli?