NYƆŊMƆ WIEMƆ LƐ MLI JWETRII | YOHANE 5-6
Mɛni Hewɔ Onyiɛ Yesu Sɛɛ Lɛ?
Be ni Yesu kɛ nɔkwɛmɔnɔ ko ni shishinumɔ wa kɛhã kaselɔi lɛ tsu nii lɛ, amɛteŋ mɛi komɛi anane tɔ̃tɔ, ni amɛkɛ lɛ enyiɛɛɛ dɔŋŋ. No mli lɛ, yɛ gbi ni tsɔ hiɛ lɛ mli lɛ, Yesu elɛ amɛ yɛ naakpɛɛ gbɛ nɔ momo, ni ekɛtsɔɔ akɛ ehewalɛ lɛ jɛ Nyɔŋmɔ ŋɔɔ. Belɛ, mɛni hewɔ amɛnane tɔ̃tɔ lɛ mɔ? Eeenyɛ efee akɛ, nɔ ni amɛbaaná hewɔ amɛnyiɛ Yesu sɛɛ lɛ. Heloonaa nibii ahewɔ amɛkɛ lɛ bɔ lɛ.
Esa akɛ wɔteŋ mɔ fɛɛ mɔ abi ehe akɛ: ‘Mɛni hewɔ minyiɛ Yesu sɛɛ lɛ? Ani jɔɔmɔi ni mináa amrɔ nɛɛ, kɛ nɔ ni maná wɔsɛɛ lɛ hewɔ? Aloo akɛni misumɔɔ Yehowa, ni miisumɔ ni masa ehiɛ lɛ hewɔ?’
Mɛni hewɔ kɛ́ wɔsɔmɔɔ Yehowa yɛ yiŋtoi ni nyiɛ sɛɛ nɛɛ ahewɔ titri lɛ, wɔnane baanyɛ atɔ̃tɔ lɛ?
Kɛ́ wɔyɛ Nyɔŋmɔ webii lɛ ateŋ lɛ, wɔnáa miishɛɛ
Wɔmiisumɔ ni wɔhi Paradeiso lɛ mli