Yaa Nɔ Ofi Shi Ni Okwɛ Gbɛ Waa

Bei enyiɛ okɛkwɛ Nyɔŋmɔ maŋtsɛyeli lɛ gbɛ? Ani okɛ tsuishitoo miifi shi yɛ naagbai ni okɛkpeɔ lɛ fɛɛ sɛɛ? (Ro 8:25) Anyɛɔ Kristofoi komɛi, awaa mɛi komɛi ayi, awoɔ mɛi komɛi ahe gbeyei akɛ abaagbe amɛ, ni awoɔ mɛi komɛi hu tsuŋ. Helai ni abɛ amɛnaa tsabaa, loo gbɔlɛ hu miisu amɛteŋ mɛi komɛi atsui.

Kɛ́ wɔkɛ naagba ko miikpe lɛ, mɛni baawa wɔ koni wɔkwɛ gbɛ waa? Esa akɛ wɔkane Biblia lɛ daa ni wɔjwɛŋ nɔ jogbaŋŋ, koni wɔhemɔkɛyeli lɛ mli awa. Esa akɛ wɔkɛ wɔjwɛŋmɔ ama wɔhiɛnɔkamɔ lɛ nɔ. (2Ko 4:16-18; Heb 12:2) Esa akɛ wɔkɛ hiɛdɔɔ asɔle kɛkpa Yehowa fai ni ekɛ emumɔ krɔŋkrɔŋ lɛ aye abua wɔ. (Luk 11:10, 13; Heb 5:7) Wɔ-Tsɛ ni yɔɔ suɔmɔ lɛ baanyɛ awa wɔ ni wɔkɛ “tsuishitoo kɛ miishɛɛ afi shi shiŋŋ.”​—Kol 1:11.

KWƐMƆ VIDIO NI JI, ESA AKƐ WƆKƐ “SHIFIMƆ ADA FOI” LƐ​—NÁ NƆMIMAA AKƐ ONINE BAASHƐ JUROMƆNƆ LƐ NƆ LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

• 

  Mɛɛ “nibii ni baa yɛ be ni akpaaa gbɛ mli” baanyɛ aba wɔnɔ? (Jaj 9:11)

• 

  Kɛ́ wɔkɛ naagbai miikpe lɛ, mɛɛ gbɛ nɔ sɔlemɔ baanyɛ awa wɔ?

• 

  Kɛ́ wɔnyɛɛɛ wɔtsu babaoo yɛ Yehowa sɔɔmɔ lɛ mli tamɔ be ko ni eho lɛ, mɛni hewɔ esa akɛ wɔkɛ wɔjwɛŋmɔ ama nɔ ni wɔnyɛɔ wɔtsuɔ bianɛ lɛ nɔ lɛ?

• 

  Mɛni hãa onáa nɔmimaa akɛ onine baashɛ jweremɔnɔ lɛ nɔ?