Ani Onaa Nyɔŋmɔ Wiemɔ Lɛ Tamɔ Jwetri Ko?

Biblia lɛ ji ŋmalɛ krɔŋkrɔŋ, ni Yehowa Nyɔŋmɔ, mɔ ni ŋma lɛ susumɔi kɛ ewiemɔi yɔɔ mli. (2Pe 1:20, 21) Biblia lɛ wieɔ akɛ, Nyɔŋmɔ baatsɔ e-Maŋtsɛyeli lɛ nɔ ehã ana akɛ enɔyeli lɛ ja, ni no hewɔ lɛ, adesai fɛɛ baanyɛ aná hiɛnɔkamɔ akɛ etsɛŋ amɛshihilɛ baahi jogbaŋŋ fe bɔ ni eji bianɛ lɛ. Biblia lɛ hãa anaa hu akɛ, Yehowa, wɔ-Tsɛ ni yɔɔ ŋwɛi lɛ yɛ suɔmɔ.​—La 86:15.

Wɔnaa Yehowa Wiemɔ lɛ tamɔ jwetri ko, shi mɔ fɛɛ mɔ kɛ yiŋtoo hewɔ ni enaa lɛ nakai. Shi ani wɔkaneɔ nikeenii ni nɔ bɛ nɛɛ daa gbi, ni wɔkɛtsuɔ nii yɛ wɔshihilɛ mli kɛtsɔɔ akɛ ejara wa kɛhã wɔ? Nyɛhãa wɔkɛ wɔnifeemɔi atsɔa akɛ wɔnuɔ he tamɔ lalatsɛ lɛ. Ekɛɛ akɛ: “Misumɔɔ omla lɛ waa diɛŋtsɛ!”​—La 119:97.

KWƐMƆ VIDIO NI JI, AMƐBU BIBLIA LƐ AKƐ EJARA WA​—VIDIO LƐ MLI FÃI KOMƐI (WILLIAM TYNDALE), KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛni hewɔ William Tyndale tsɔɔ Biblia lɛ fãi komɛi shishi lɛ?

• Mɛni hewɔ mɔdɛŋ ni ebɔ koni etsɔɔ Biblia lɛ shishi lɛ sa kadimɔ waa lɛ?

• Te afee tɛŋŋ akɛ Tyndale Biblia lɛ ju shi kɛtee England lɛ?

• Mɛɛ gbɛ nɔ wɔteŋ mɔ fɛɛ mɔ baanyɛ atsɔɔ akɛ enaa Nyɔŋmɔ Wiemɔ lɛ tamɔ jwetri ko?