HII SHI AKƐ KRISTOFONYO
Mɔ Ni Hãa Kɛ Miishɛɛ Lɛ, Lɛ Yehowa Sumɔɔ
Awo wɔ ŋaa yɛ 2 Korintobii 9:7 lɛ akɛ: “Mɔ fɛɛ mɔ afee bɔ ni ekpɛ mli yɛ etsui mli, jeee kɛ mligbigbilimɔ loo yɛ nɔnyɛɛ naa, ejaakɛ mɔ ni hãa kɛ miishɛɛ lɛ, lɛ Nyɔŋmɔ sumɔɔ.” Ŋmɛnɛ lɛ, ayɛ gbɛi ni waaa ni wɔbaanyɛ wɔtsɔ nɔ wɔtsu onia yɛ Intanɛt lɛ nɔ kɛfi nitsumɔ ni Yehowa Odasefoi tsuɔ yɛ he ni wɔyɔɔ lɛ kɛ jeŋ fɛɛ lɛ sɛɛ.
KWƐMƆ VIDIO NI JI, BƆ NI OOOFEE OTSU ONIA KƐTSƆ INTANƐT LƐ NƆ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:
Te wɔbaafee tɛŋŋ wɔya Intanɛt lɛ nɔ he ni wɔbaanyɛ wɔna oniatsumɔ he saji ni kɔɔ wɔmaŋ lɛ he lɛ yɛ lɛ?
Te mɛi komɛi ená Intanɛt lɛ nɔ ni amɛtsɔɔ amɛtsuɔ onia lɛ he sɛɛ amɛhã tɛŋŋ?
Mɛɛ gbɛi komɛi anɔ wɔbaanyɛ wɔtsɔ wɔtsu onia?
Kɛ́ wɔleee bɔ ni wɔɔfee wɔtsɔ Intanɛt lɛ nɔ wɔtsu onia lɛ, mɛni esa akɛ wɔfee?