“Shikpɔŋ Muu Lɛ Fɛɛ Wieɔ Wiemɔ Kome Lolo”

11:1-4, 6-9

Yehowa futu adesai toigbolɔi lɛ awiemɔ yɛ Babel, ni ekɛgbɛ amɛ eshwã. Ŋmɛnɛ lɛ, eebua asafoku babaoo ko ni jɛ jeŋmaŋ fɛɛ jeŋmaŋ kɛ wiemɔ fɛɛ wiemɔ mli lɛ naa, ni eetsɔɔ amɛ “wiemɔ krɔŋŋ” ko, koni “amɛtsɛ Yehowa gbɛ́i lɛ, ní amɛfee ekome kɛsɔmɔ lɛ.” (Zef 3:9; Kpo 7:9) “Wiemɔ krɔŋŋ” nɛɛ ji Yehowa kɛ eyiŋtoi lɛ ahe anɔkwalei ni yɔɔ Ŋmalɛ lɛ mli lɛ.

Wiemɔ kasemɔ biɔ babaoo fe ni abaakpe wiemɔi komekomei awo yitsoŋ kɛkɛ. Ebiɔ ni mɔ atsake bɔ ni esusuɔ nii ahe ehãa lɛ hu. Yɛ gbɛ ni tamɔ nakai nɔŋŋ nɔ lɛ, be ni wɔkaseɔ anɔkwale lɛ, ni ji wiemɔ krɔŋŋ lɛ, ehe bahiaa ni wɔtsake wɔjwɛŋmɔ. (Ro 12:2) Eji nifeemɔ ko ni yaa nɔ daa, ni ehãa ekomefeemɔ hiɔ Nyɔŋmɔ webii lɛ ateŋ.​—1Ko 1:10.