NYƆŊMƆ WIEMƆ LƐ MLI JWETRII | 2 MOSE 10-11

Mose Kɛ Aaron Jie Ekãa Kpele Kpo

10:3-6, 24-26, 28; 11:4-8

Mose kɛ Aaron jie ekãa kpele kpo ni amɛsheee gbeyei be ni amɛkɛ Farao wieɔ lɛ. Nakai beiaŋ lɛ, Farao ji mɔ ni yɔɔ hegbɛ fe mɔ fɛɛ mɔ yɛ je lɛ mli. Mɛni ye ebua amɛ? Biblia lɛ wie yɛ Mose he akɛ: “Hemɔkɛyeli ekɛshi Ejipt, ni esheee maŋtsɛ lɛ mlifu lɛ gbeyei, ejaakɛ etee nɔ efi shi shiŋŋ tamɔ nɔ ni eena mɔ ni anaaa lɛ lɛ.” (Heb 11:27) Mose kɛ Aaron yɛ Yehowa mli hemɔkɛyeli ni mli wa, ni amɛkɛ amɛhiɛ fɔ̃ enɔ.

Mɛɛ shihilɛi biɔ ni ofee ekãa ni ogbála ohemɔkɛyeli lɛ mli otsɔɔ mɔ ko ni yɔɔ hegbɛ?

Mfonirii ni ato naa: Shihilɛi amli ni ebaabi ni wɔfee ekãa. 1. Gbekɛ nuu ko damɔ shi diŋŋ yɛ skul be ni mɛi krokomɛi ŋaa aflaŋaa lɛ. 2. Aaye nyɛmi nuu ko sane yɛ kɔɔtu. 3. Nyɛmi nuu fioo ko miihã nuu ko trati yɛ shiɛmɔ mli, ni polisifonyo ko miikwɛ lɛ.