Nɔ Ni Kristofoi Baanyɛ Akase Yɛ Hehoo Lɛ Ni Aye Lɛ Mli

12:5-7, 12, 13, 24-27

Bɔ ni afee ni Israelbii lɛ aje haomɔ ni ji nyɔŋma lɛ mli shweshweeshwe lɛ, ehe bahia ni amɛbo gbɛtsɔɔmɔi ni Yehowa kɛhã lɛ toi. (2Mo 12:28) Afã wekui ni amɛbua amɛhe naa yɛ amɛshĩai amli, yɛ Nisan 14 lɛ gbɛkɛ mli. Akɛɛ amɛ ni amɛgbe gwantɛŋnuu loo abotianuu ni kpa ko bɛ ehe, ni eye afi. Afã amɛ ni amɛkɛ elá lɛ akpa shinaatsei lɛ kɛ yiteŋ nɔ lɛ ahe. No sɛɛ lɛ, esa akɛ amɛshã too muu lɛ fɛɛ, ni amɛye lɛ oyayaayai. Esaaa akɛ amɛteŋ mɔ ko mɔ ko jeɔ kpo kɛjeɔ shĩa lɛ mli kɛyashi leebi.​—2Mo 12:9-11, 22.

Ŋmɛnɛ lɛ, mɛɛ gbɛi pɔtɛi komɛi anɔ toiboo buɔ wɔhe?