Yehowa Buɔ Ewebii Ahe

Klɛŋklɛŋ Hehoo ni aye lɛ sa kadimɔ waa. Nakai gbi lɛ nyɔɔŋ lɛ, be ni Farao ná ele akɛ ekromɔbi lɛ egbo lɛ, ekɛɛ Mose akɛ: “Nyɛtea shi, nyɛjea mimaŋbii lɛ ateŋ nyɛyaa, nyɛ kɛ Israelbii krokomɛi lɛ. Nyɛyaa ni nyɛyasɔmɔa Yehowa, tamɔ bɔ ni nyɛkɛɛ lɛ.” (2Mo 12:31) Yehowa hã ana akɛ, ebuɔ ewebii lɛ ahe be fɛɛ be.

Kɛ́ wɔsusu Yehowa webii ni yɔɔ ŋmɛnɛ lɛ ayinɔsane he lɛ, wɔnaa faŋŋ akɛ, Yehowa kã he eebu amɛhe ni eetsɔɔ amɛ gbɛ. Miziɔm ko ni yitso ji, “A People for Jehovah’s Name,” ni yɔɔ asafo lɛ nitsumɔhe yitso lɛ, hãa anaa enɛ faŋŋ.

KWƐMƆ VIDIO NI JI, SHISHARAMƆ YƐ MISIƆM NI JI “A PEOPLE FOR JEHOVAH’S NAME” NI YƆƆ WARWICK NITSUMƆHE YITSO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Yɛ afi 1914 shishijee gbɛ lɛ, mɛɛ dɛŋdade ko ni akɛtsuko nii dã Biblia Kaselɔi lɛ kɛtsu nii koni mɛi aná hemɔkɛyeli yɛ Biblia lɛ mli, ni mɛi enyiɛ kwɛ?

• 

  Mɛɛ kai amɛkɛkpe yɛ afi 1916 kɛ 1918 mli, ni mɛni hã efee faŋŋ akɛ, Yehowa miikudɔ asafo lɛ?

• 

  Mɛɛ gbɛ nɔ Yehowa webii lɛ tee nɔ amɛhiɛ amɛhemɔkɛyeli lɛ mli yɛ shi ni ate awo amɛ lɛ fɛɛ sɛɛ?

• 

  Mɛɛ shishinumɔ hee Yehowa webii lɛ ná yɛ afi 1935 mli, ni te enɛ ná amɛnɔ hewalɛ hã tɛŋŋ?

• Kɛ́ oyashara shi yɛ miziɔm nɛɛ pɛŋ, loo be ni okwɛɔ vidio lɛ, mɛni ona ni hã ona lɛɛlɛŋ akɛ Yehowa miitsɔɔ ewebii lɛ gbɛ ni eebu amɛhe?