NYƆŊMƆ WIEMƆ LƐ MLI JWETRII | 3 MOSE 4-5

Okɛ Onii Ni Hi Fe Fɛɛ Lɛ Ahã Yehowa

Ohia etsĩii Israelnyo ko naa koni toiŋjɔlɛ akahi ekɛ Nyɔŋmɔ teŋ. No mli lɛ, kɛ́ Israelnyo ko miiye ohia futaa po lɛ, ebaanyɛ eshã afɔle ni saa Yehowa hiɛ, bei abɔ ni enii ni hi fe fɛɛ ji nɔ ni ekɛhã lɛ. Yehowa bi ni amɛkɛ “ashikishaŋ kpakpa,” ni ji ashikishaŋ ni akɛfeɔ mɛi ni abuɔ waa lɛ gbɔ lɛ aba. (1Mo 18:6) Ŋmɛnɛ lɛ, kɛ́ wɔshihilɛ hãaa wɔtsu babaoo po lɛ, kɛ́ wɔkɛ “yijiemɔ afɔle” ni hi fe fɛɛ ni wɔbaanyɛ wɔkɛhã lɛ hã Yehowa lɛ, enáa he miishɛɛ.—Heb 13:15.

Kɛ́ ooye hela ko loo ohewalɛ nɔ egbɔ ni no hewɔ lɛ, onyɛɛɛ otsu babaoo tamɔ be ko ni eho lɛ, mɛɛ gbɛ nɔ sane nɛɛ baanyɛ ahã otsɛ otsui oŋmɛ omli?

Mfonirii ni ato naa: Nyɛmimɛi yei enyɔ komɛi kɛ ‘amɛyijiemɔ afɔle’ ni hi fe fɛɛ miiha Yehowa. 1. Nyɛmi yoo ko ni shiɛɔ ehaa mɛi ni wieɔ wiemɔ kroko lɛ kɛ yoo ko miiwie yɛ jara nɔ. 2. Nyɛmi yoo onukpa ko ta eshia ni eeŋmala lɛtai.