Kpokpaa Wulu Nɔ Kpeei Hãa Wɔjieɔ Suɔmɔ Kpo

Mɛni hewɔ wɔkpokpaa wulu nɔ kpeei lɛ hãa wɔnáa miishɛɛ nakai lɛ? Taakɛ eba lɛ yɛ blema Israel lɛ, ŋmɛnɛ hu lɛ, kpokpaa wulu nɔ kpeei hãa wɔkɛ nyɛmimɛi ohai abɔ, loo akpei abɔ po, feɔ ekome kɛjáa Yehowa. Wɔhiɛ sɔɔ nibii babaoo ni atsɔɔ wɔ yɛ jɛmɛ lɛ. Wɔhiɛ sɔɔ be ni wɔkɛ wɔnanemɛi kɛ wɔwekumɛi yeɔ yɛ jɛmɛ lɛ hu waa. Enɛ hewɔ lɛ, wɔsumɔɔɔ ni gbii etɛ lɛ eko kwraa hoɔ wɔhe.

Kɛ́ wɔtee kpeei ni tamɔ nɛkɛ lɛ, esaaa akɛ wɔjwɛŋɔ nɔ ni wɔbaaná lɛ pɛ he, esa akɛ wɔjwɛŋ bɔ ni wɔbaafee wɔjie suɔmɔ kpo wɔtsɔɔ mɛi krokomɛi lɛ hu he. (Gal 6:10; Heb 10:24, 25) Kɛ́ wɔgbele shinaa wɔhã nyɛmi ko, loo wɔmɔ gbɛ pɛ ni he baahia wɔ lɛ, no tsɔɔ akɛ, wɔmiifee nibii ni hi hã mɛi krokomɛi. (Fip 2:3, 4) Wɔbaanyɛ wɔná nanemɛi hei yɛ kpokpaa wulu nɔ kpeei ashishi. Dani abaaje kpee lɛ shishi, be ni aba hejɔɔmɔ, kɛ be ni akpa fɛɛ lɛ, wɔbaanyɛ wɔkɛma wɔhiɛ akɛ wɔkɛ mɔ ko ni wɔleee baagba sane. (2Ko 6:13) Wɔbaanyɛ wɔkɛ nanemɛi ni wɔbaaná yɛ jɛmɛ lɛ abɔ kɛya naanɔ! Nɔ ni fe fɛɛ lɛ, kɛ́ mɛi na bɔ ni wɔjieɔ suɔmɔ krɔŋŋ kpo lɛ, ekolɛ no baatsirɛ amɛ ni amɛbafata wɔhe kɛsɔmɔ Yehowa.​—Yoh 13:35.

KWƐMƆ VIDIO NI JI, “SUƆMƆ SƐƐ EFOOO KƆKƆƆKƆ”! MAJIMAJI ATEŊ KPEEI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛɛ gbɛ nɔ ajie suɔmɔ kpo atsɔɔ gbɔi ni tee afi 2019 majimaji ateŋ kpeei lɛ?

• 

  Mɛni hewɔ ekomefeemɔ kɛ suɔmɔ ni yɔɔ Yehowa webii lɛ ateŋ lɛ sa kadimɔ waa lɛ?

• 

  Mɛɛ gbɛi ni atsɔɔ nɔ ajieɔ suɔmɔ kpo Gbɛtsɔɔmɔ Kuu lɛ mli bii lɛ wie he?

• 

  Mɛɛ gbɛ nɔ suɔmɔ efee wɔnyɛmimɛi ni yɔɔ Germany lɛ ekome, ni efee wɔnyɛmimɛi ni yɔɔ South Korea lɛ hu ekome?

• Mɛni esa akɛ wɔtswa wɔfai shi akɛ wɔbaafee?