Nɛgbɛ oshɛ yɛ baptisimɔ gbɛ lɛ nɔ?
HII SHI AKƐ KRISTOFONYO
Sɔɔmɔ Yehowa
Kɛ́ odako tsɔ ni oji shiɛlɔ ni abaptisiko lɛ, loo akɛ bo miikase Biblia lɛ, ani ofee ojwɛŋmɔ akɛ obaahã abaptisi bo? Mɛni hewɔ esa akɛ ohã abaptisi bo? Henɔjɔɔmɔ kɛ baptisimɔ baahã wekukpaa krɛdɛɛ ko abakã okɛ Yehowa teŋ. (La 91:1) Amɛbaanyɛ amɛhã ahere oyiwala hu. (1Pe 3:21) Te ooofee tɛŋŋ oshɛ otii nɛɛ ahe lɛ?
Feemɔ nibii ni baahã oyiŋ atsɔ akɛ anɔkwale lɛ nɛ. Kɛ́ oyiŋ etɛ̃ɛɛ bo yɛ sane ko he lɛ, taomɔ nii amli. (Ro 12:2) Kadimɔ tsakemɔi ni esa akɛ ofee lɛ, ni otsu he nii akɛni oosumɔ ni osa Yehowa hiɛ lɛ hewɔ. (Abɛ 27:11; Efe 4:23, 24) Be fɛɛ be lɛ, bi lɛ ni eye ebua bo. Hemɔ oye akɛ, Yehowa kɛ emumɔ krɔŋkrɔŋ ni yɔɔ hewalɛ waa lɛ baawaje bo. (1Pe 5:10, 11) Mɔdɛŋ ni obɔɔ lɛ efeŋ efolo. Yehowa ni obaasɔmɔ lɛ ji gbɛ ni fe fɛɛ ni obaanyɛ okɔ!—La 16:11.
KWƐMƆ VIDIO NI JI, NƆ NI AFEƆ DANI ASHƐƆ BAPTISIMƆ HE LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:
Mɛɛ gbɛtsiinii mɛi komɛi ye nɔ bɔ ni afee ni abaptisi amɛ?
Te ooofee tɛŋŋ oná hemɔkɛyeli ni baahã ojɔɔ ohe nɔ ohã Yehowa lɛ?
Mɛni tsirɛ mɛi komɛi ni amɛfee nibii ni baahã amɛfee mɛi ni sa kɛhã baptisimɔ?
Te Yehowa jɔɔ mɛi ni kpɛɔ amɛyiŋ akɛ amɛbaasɔmɔ lɛ lɛ ehãa tɛŋŋ?
Mɛni henɔjɔɔmɔ kɛ baptisimɔ tsɔɔ?