Okɛ Nɔkwɛmɔnii Atsɔɔ Otii Ni He Hiaa Lɛ Amli

Kɛ́ wɔmiifee sɛɛkuukɛsaramɔ loo Biblia mli nikasemɔ lɛ, esa akɛ wɔye wɔbua wɔtoibolɔi lɛ ni amɛnu otii lɛ ashishi. Kɛ́ wɔkɛ nɔkwɛmɔnii tsɔɔ otii ni he hiaa lɛ amli lɛ, wɔbaata amɛtsuiŋ ni no baahã amɛkai.

Kɛ́ oosaa ohe kɛhã sɛɛkuukɛsaramɔ loo Biblia mli nikasemɔ lɛ, kadimɔ otii ni obaasumɔ ni okɛ nɔkwɛmɔnii atsɔɔ mli lɛ, shi jeee saji ni he ehiaaa tsɔ̃. No sɛɛ lɛ, halamɔ nɔkwɛmɔnii ni shishinumɔ waa ni kɔɔ nibii ni wɔfeɔ daa gbi lɛ ahe. (Mat 5:14-16; Mar 2:21; Luk 14:7-11) Hã shihilɛ ni otoibolɔ lɛ yɔɔ mli kɛ nibii ni efɔɔ feemɔ lɛ ahi ojwɛŋmɔ mli. (Luk 5:2-11; Yoh 4:7-15) Kɛ́ enu oti ko shishi ni no hã ená miishɛɛ lɛ, bo hu obaaná miishɛɛ.

KWƐMƆ VIDIO NI JI, OBAANYƐ ONÁ MIISHƐƐ BE NI OFEƆ MƐI KASELƆI LƐ​—YAA OHIƐ YƐ GBƐ NI OTSƆƆ NƆ OTSƆƆ NII LƐ MLI​—OKƐ NƆKWƐMƆNII ATSƆƆ OTII NI HE HIAA LƐ AMLI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛni hewɔ ekolɛ ehe baahia ni wɔwa wɔ-Biblia mli nikaselɔi lɛ koni amɛnu ŋmalɛi lɛ ashishi lɛ?

• 

  Mɛɛ gbɛ nɔ Anita kɛ nɔkwɛmɔnɔ ko tsɔɔ anɔkwa sane ni yɔɔ Romabii 5:12 lɛ mli?

• 

  Kɛ́ wɔkɛ nɔkwɛmɔnii ni sa tsu nii lɛ, te wɔtoibolɔi lɛ baaná he sɛɛ amɛhã tɛŋŋ?

• Mɛni hewɔ esa akɛ wɔkɛ vidioi kɛ nitsɔɔmɔi dɛŋdadei krokomɛi ni Yehowa asafo lɛ kɛdro wɔ lɛ atsu nii yɛ shiɛmɔ nitsumɔ lɛ mli?