Okɛ Ekãa Kɛ Miishɛɛ Atsɔɔ Nii

Ekãa kɛ miishɛɛ tsɛŋeɔ mɔ. Ebaanyɛ ehã mɛi abo wɔ toi jogbaŋŋ. Ehãa anaa hu akɛ, sane ni wɔshiɛɔ lɛ kã wɔtsui nɔ waa. Ekɔɔɔ he eko shihilɛ mli ni wɔyɔɔ loo bɔ ni wɔyɔɔ lɛ, wɔbaanyɛ wɔfee ekãa ni wɔkɛ miishɛɛ atsɔɔ nii. (Ro 12:11) Te wɔɔfee tɛŋŋ wɔfee nakai?

Klɛŋklɛŋ lɛ, susumɔ bɔ ni sane ni oshiɛɔ lɛ he hiaa hã lɛ he. Oná hegbɛ akɛ ‘obaajaje nibii kpakpai ahe sane kpakpa!’ (Ro 10:15) Nɔ ni ji enyɔ lɛ, jwɛŋmɔ bɔ ni sane kpakpa lɛ baanyɛ awo yibii kpakpai yɛ otoibolɔi lɛ ashihilɛ mli lɛ nɔ. Ehe miihia ni amɛnu sane kpakpa lɛ. (Ro 10:13, 14) Naagbee lɛ, wiemɔ kɛ ekãa, ni okɛ oninefɔɔ kɛ ohiɛ atsɔɔ bɔ ni onuɔ he ohãa diɛŋtsɛ.

KWƐMƆ VIDIO NI JI, OBAANYƐ ONÁ MIISHƐƐ BE NI OFEƆ MƐI KASELƆI LƐ​—YAA OHIƐ YƐ GBƐ NI OTSƆƆ NƆ OTSƆƆ NII LƐ MLI​—OKƐ EKÃA KƐ MIISHƐƐ ATSƆƆ NII LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛni hã ekãa kɛ miishɛɛ ni Anita yɔɔ lɛ tã yɛ Biblia mli nikasemɔ ni ekɛ Jade feɔ lɛ mli?

• 

  Mɛni hã Anita ná miishɛɛ kɛ ekãa ekoŋŋ?

• 

  Mɛni hewɔ esa kɛ wɔkɛ wɔjwɛŋmɔ ama wɔtoibolɔi lɛ asui kpakpai lɛ anɔ lɛ?

• Kɛ́ wɔkɛ ekãa kɛ miishɛɛ tsɔɔ nii lɛ, te ebaaná wɔ-Biblia mli nikaselɔi kɛ mɛi krokomɛi anɔ hewalɛ ehã tɛŋŋ?