KASEMƆ BƆ NI ASHIƐƆ JOGBAŊŊ | NÁ MIISHƐƐ WAA YƐ SHIƐMƆ NITSUMƆ LƐ MLI
Okɛ Wɔnibii Ni Akɛtaoɔ Nii Amli Lɛ Atsu Nii
Yehowa hãa wɔ dɛŋdadei tamɔ vidioi, tratii, magazin, broshuɔi, woji, kɛ Biblia lɛ, ni ji wɔdɛŋdade titri lɛ, koni wɔnyɛ wɔtsɔɔ nii jogbaŋŋ. (2Ti 3:16) Ehãa wɔ nibii ni akɛtaoɔ nii amli hu, koni wɔnyɛ wɔgbála Ŋmalɛ lɛ mli. Ekomɛi ji, Watchtower Library lɛ, JW Library® app lɛ, Buu-Mɔɔ INTANƐT NƆ WOJIATOOHE™ lɛ, kɛ Niiamlitaomɔ Wolo Kɛhã Yehowa Odasefoi lɛ.
Kɛ́ okɛ dɛŋdadei nɛɛ ateŋ nɔ ni yɔɔ wiemɔ ni onuɔ shishi lɛ mli lɛ fɛɛ tsu nii kɛkase Biblia lɛ jogbaŋŋ lɛ, obaaná miishɛɛ. Esa akɛ otsɔɔ mɛi ni okɛkaseɔ nii lɛ bɔ ni akɛ dɛŋdadei nɛɛ tsuɔ nii ahãa. Kɛkɛ lɛ, amɛkɛbaatsu nii kɛtao amɛ diɛŋtsɛ amɛsanebimɔi ahetoo, ni amɛ hu amɛbaaná miishɛɛ.
KWƐMƆ VIDIO NI JI, OBAANYƐ ONÁ MIISHƐƐ BE NI OFEƆ MƐI KASELƆI LƐ—HÃ YEHOWA AYE ABUA BO—OKƐ NIBII NI AKƐTAOƆ NII AMLI LƐ ATSU NII LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
Mɛni Jade wie yɛ adebɔɔ he?
Nɛgbɛ Anita yatao nii amli yɛ, yɛ sane lɛ he?
Kɛ́ wɔkase Biblia lɛ jogbaŋŋ ni wɔgba mɛi nibii ni wɔkase lɛ, wɔbaaná miishɛɛ
Mɛɛ gbɛ nɔ ehala sane ni Jade baaná he sɛɛ waa?
Be ni Anita kɛ nibii ni wɔkɛtaoɔ nii amli lɛ tsu nii lɛ, te enu he ehã tɛŋŋ?