Yehowa Baajie Suɔmɔ Ni Tsakeee Kpo Etsɔɔ Bo

Ojara wa yɛ Yehowa hiɛ. (Yes 43:4) Egbala bo kɛba emasɛi kɛ esafo lɛ hu mli. Akɛni ojɔɔ ohe nɔ, ni ohã abaptisi bo hewɔ lɛ, otsɔ Yehowa nɔ. Oji enii ni eshwɛɛɛ he kwraa, hewɔ lɛ, ebaakwɛ bo yɛ shihilɛi ni mli wawai po amli. Ebaatsɔ esafo lɛ nɔ ejie suɔmɔ ni tsakeee kpo etsɔɔ bo.​—La 25:10.

Kɛ́ wɔsusu nibii ni Yehowa asafo lɛ efee yɛ adebɔɔ naa oshãrai ni ba nyɛsɛɛ nɛɛ ahe lɛ, no baahã wɔhiɛ asɔ suɔmɔ ni tsakeee ni ejieɔ lɛ kpo etsɔɔ wɔ lɛ waa.

KWƐMƆ VIDIO NI JI, AFI 2019 NƆKWƐLƆI AJINAFOI AKUU LƐ AMANIƐBƆƆ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛɛ gbɛ nɔ Nɔkwɛlɔi Ajinafoi Akuu lɛ esaa nitsumɔhe niji ni yɔɔ jeŋ fɛɛ lɛ amɛto yɛ nɔ ni esa akɛ amɛfee kɛ́ oshãrai wuji ba lɛ he?

• 

  Be ni oshãrai wuji komɛi ba Indonesia kɛ Nigeria lɛ, mɛɛ gbɛ nɔ Yehowa asafo lɛ kɛ gbɛtsɔɔmɔ kɛ yelikɛbuamɔ hã?

• 

  Mɛni onya he waa yɛ nɔ ni asafo lɛ efee yɛ COVID-19 tsɛŋemɔ hela lɛ he lɛ he?