Gbalashihilɛ—Naanyobɔɔ Ni Hiɔ Shi Daa

Kɛ́ Kristofoi agbãla sɔ lɛ, ewoɔ Yehowa hiɛ nyam, ni ehãa wu kɛ ŋa lɛ náa miishɛɛ. (Mar 10:9) Ja mɔ ko kɛ Biblia mli shishitoo mlai etsu nii kɛhala ehefatalɔ, dani ebaaná gbãla ni baahi shi daa ni miishɛɛ baahi mli.

Ehi akɛ mɔ baamɛ kɛyashi “ejeee gbekɛ dɔŋŋ” dani ekɛ mɔ ko anyiɛ kɛhã gbalashihilɛ, ejaakɛ kɛ́ mɔ ko fee nakai be ni eji gbekɛ [be ni ebɔlɛnamɔ henumɔi amli wa waa] lɛ, ewaaa akɛ ebaakpɛ yiŋ komɛi ni ejaaa. (1Ko 7:36) Amrɔ nɛɛ ni oboteko gbãla mli nɛɛ, okɛ obe atsu nii jogbaŋŋ koni okɛ Nyɔŋmɔ teŋ naanyobɔɔ lɛ mli awa, ni agbɛnɛ hu, oná sui kpakpai. Kɛkɛ lɛ, kɛ́ obote gbãla mli lɛ, obaanyɛ owa ni ogbãla lɛ asɔ.

Dani obaakpɛlɛ nɔ akɛ okɛ mɔ ko baabote gbãla mli lɛ, hemɔ be ni fa kɛle mɔ lɛ “tsuiŋ gbɔmɔ ni akɛtee” lɛ. (1Pe 3:4) Kɛ́ nɔ ko ni yɔɔ hiɛdɔɔ hewɔ lɛ oyiŋ etɛ̃ɛɛ bo yɛ mɔ lɛ he lɛ, okɛ lɛ asusu he. Kɛ́ okɛ mɔ ko miibɔ lɛ, esa akɛ okɛ ojwɛŋmɔ ama nɔ ni obaafee ni wekukpaa lɛ mli awa lɛ nɔ titri, shi jeee nɔ ni obaaná yɛ mli, ni nakai nɔŋŋ eji yɛ gbalashihilɛ gbɛfaŋ. (Fip 2:3, 4) Kɛ́ okɛ Biblia mli shishitoo mlai tsu nii dani obote gbãla mli lɛ, ewaaa akɛ obaaya nɔ ofee nakai be ni obote mli, ni no baahã miishɛɛ ahi mli.

KWƐMƆ VIDIO NI JI, HESAAMƆ KƐHà GBALASHIHILƐ​—Fà3: ‘BUU NAA OKWƐ’ LƐ, KONI NO SƐƐ LƐ OHà SANEBIMƆI NI NYIƐ SƐƐ NƐƐ HETOO:

• Te nyɛmi yoo lɛ kɛ Shane nyiɛmɔ lɛ tee lɛ tɛŋŋ?

• Be ni ená ele Shane jogbaŋŋ lɛ, mɛni eyɔse yɛ ehe?

• Mɛɛ gbɛ nɔ efɔlɔi wa lɛ, ni mɛɛ yiŋ kpakpa ekpɛ?