NYƆŊMƆ WIEMƆ LƐ MLI JWETRII

Toigbele Yeɔ Awui Waa

Israelbii komɛi kɛ yei ni jáa amagai bote gbãla mli (Ezr 9:1, 2; w06 1/15 20 kk. 1)

Amɛyeee Yehowa kitãi ni yɔɔ faŋŋ lɛ anɔ (Ezr 9:10-12)

Amɛtoigbele lɛ ye amɛ kɛ amɛwekui lɛ awui waa (Ezr 10:10, 11, 44)

Nyɛmi yoo ko ni kɛ nuu ko ni jeee Odasefonyo bote gbala mli lɛ efɔ, ni eejwɛŋ be ni esɔmɔɔ Yehowa kɛ ekaa lɛ he. Eta okpɔlɔ ko he, ni nɔ ko ni zigareti kukuji yɛ mli ma ehiɛ. Ewu ni etɔ daa ka sɛi mli ewɔ.

Kitã fɛɛ kitã ni Yehowa woɔ wɔ lɛ, wɔhilɛkɛhamɔ hewɔ ewoɔ wɔ lɛ. (mwbr23.07 4 kk. 1) Kɛ́ wɔbo lɛ toi lɛ wɔbaaye wɔhe kɛje naagbai pii ahe, ni wɔsɛɛ hu lɛ ebaajɔɔ wɔ kɛya naanɔ.

BI OHE AKƐ, ‘Mɛɛ gbɛ nɔ Yehowa toi ni miboɔ lɛ ebu mihe kɛje naagbai komɛi ni kulɛ manyɛ mikɛkpe lɛ ahe?’