Obaanyɛ Ohã Oweku Lɛ Aná Miishɛɛ Waa

Yehowa miisumɔ ni wekui aná miishɛɛ. (La 127:3-5; Jaj 9:9; 11:9) Shi je lɛ mli naagbai kɛ wɔweku lɛ mli bii lɛ atɔmɔi baanyɛ ahã wɔmiishɛɛ atã. Mɛni wɔteŋ mɔ fɛɛ mɔ baanyɛ afee koni weku ni eyɔɔ mli lɛ aná miishɛɛ waa?

Esa akɛ wu kɛ woo ahã eŋa. (1Pe 3:7) Esa akɛ ená dekã ehã lɛ. Esaaa akɛ ekpaa babaoo gbɛ kɛjɛɔ edɛŋ, ni esa akɛ ekɛ enifeemɔi atsɔɔ akɛ ehiɛ sɔɔ nɔ ni efeɔ ehãa lɛ kɛ weku lɛ. (Kol 3:15) Esa akɛ ejie suɔmɔ kpo etsɔɔ lɛ ni ejie eyi hu.​—Abɛ 31:28, 31.

Esa akɛ ŋa atao gbɛi ni ebaanyɛ etsɔ nɔ efi ewu sɛɛ. (Abɛ 31:12) Esa akɛ eba ehe shi ewo eshishi ni ebo lɛ toi. (Kol 3:18) Esa akɛ ekɛ lɛ awie kɛ naajɔlɛ ni ewie ehe ekpakpa.​—Abɛ 31:26.

Esa akɛ fɔlɔi aná dekã ahã amɛbii. (5Mo 6:6, 7) Esa akɛ amɛkɛɛ amɛbii lɛ akɛ amɛsumɔɔ amɛ. (Mat 3:17) Esa akɛ amɛjɛ suɔmɔ kɛ sɛɛyoomɔ mli amɛtsɔse amɛbii lɛ.​—Efe 6:4.

Esa akɛ bii kɛ woo ahã amɛfɔlɔi ni amɛbo amɛ toi. (Abɛ 23:22) Esa akɛ amɛhã amɛfɔlɔi ale amɛsusumɔi kɛ bɔ ni amɛnuɔ he amɛhãa. Esa akɛ amɛkpɛlɛ tsɔsemɔ ni amɛfɔlɔi kɛhãa amɛ lɛ nɔ, ni amɛbu amɛ hu.​—Abɛ 19:20.

KWƐMƆ VIDIO NI JI, HÃ MIISHƐƐ AHI OWEKU LƐ MLI LƐ, KONI NO SƐƐ LƐ OHÃ SANEBIMƆ NI NYIƐ SƐƐ NƐƐ HETOO:

• Mɛni amɛteŋ mɔ fɛɛ mɔ fee koni weku lɛ aná miishɛɛ waa?