Mɛni Hewɔ Hetsɛ̃ Ehe Shi Waa Lɛ?

Mɛni hewɔ mɛi ahe tsɛ̃ɔ mɛi waa yɛ je lɛŋ ŋmɛnɛ lɛ? Ja wɔna nɔ ni hetsɛ̃ ji, nɔ hewɔ ni mɛi ahe tsɛ̃ɔ mɛi, kɛ nɔ hewɔ ni ehe shi waa lɛ, dani wɔbaaná sanebimɔ nɛɛ hetoo.

Mɛni Ji Hetsɛ̃?

Kɛ́ mɔ ko sumɔɔɔ mɔ ko loo mɛi komɛi asane, ni eehi amɛ kwraa lɛ, abaanyɛ akɛɛ akɛ ehe tsɛ̃ɔ amɛ. Eji henumɔ ko ni hiɔ shi be kplaŋŋ.

NƆ HEWƆ NI MƐI AHE TSƐ̃Ɔ MƐI

Mɛi ahe tsɛ̃ɔ mɛi yɛ yiŋtoi babaoo ahewɔ. Bei pii lɛ, mɛi ahe tsɛ̃ɔ mɛi yɛ mɛi ni amɛji lɛ hewɔ, shi jeee nɔ ko ni amɛfee lɛ hewɔ. Mɛi ahe tsɛ̃ɔ mɛi akɛni amɛsusuɔ akɛ nakai mɛi lɛ ji gbɔmɛi gbohii, amɛsumɔɔ ni amɛye mɛi awui, loo amɛnyɛŋ amɛtsake amɛjeŋba lɛ hewɔ. Ekolɛ, amɛnaa amɛ akɛ amɛbɛ nɔ ko mli, amɛbaanyɛ amɛgba mɛi anaa, loo amɛ amɛhãa naagbai komɛi baa. Mɛi ni he tsɛ̃ɔ mɛi lɛ feɔ nakai akɛni afee amɛ yiwalɛ nii, akɛ amɛ eyayeee jogbaŋŋ, loo sane ko ba amɛnɔ be ko lɛ hewɔ.

NƆ HEWƆ NI EHE SHI WAA LƐ

Bei komɛi lɛ, mɛi ahe tsɛ̃ɔ mɛi ni amɛkɛ amɛ ekpeko pɛŋ po. Akɛ nɔkwɛmɔnɔ lɛ, bei pii lɛ, bɔ ni mɔ ko weku loo enanemɛi naa mɛi komɛi amɛhãa lɛ, lɛ hu nakai enaa mɛi lɛ. Hewɔ lɛ, kɛ́ mɛi komɛi ni jɛ weku loo maŋ ko mli lɛ ná hetsɛ̃ amɛhã mɛi komɛi lɛ, etsɛɛɛ ni weku muu lɛ loo maŋ muu lɛ fɛɛ he tsɛ̃ɔ nakai mɛi lɛ.

Kɛ́ wɔnu nɔ hewɔ ni hetsɛ̃ ehe shi waa lɛ shishi lɛ, wɔbaana nɔ hewɔ ni mɛi pii ahe tsɛ̃ɔ mɛi lɛ. Shi ja wɔna nɔ ni kɛ hetsɛ̃ ba, dani wɔbaanyɛ wɔye hetsɛ̃ ni ehe shi waa lɛ nɔ. Biblia lɛ tsɔɔ nɔ ni kɛ hetsɛ̃ ba.

BIBLIA LƐ HÃA WƆNAA NƆ NI KƐ HETSƐ̃ BA

Aro enyɔ ni miibɔle amɛhe, ni miitsɔɔ nibii ni ehã hetsɛ̃ ehe shi lɛ. 1. Agbɛɔ amalei ashwãa yɛ kui amli, social media nɔ, kɛ adafitswaa saji amli. 2. Mɛi leee mɛi ni esoro amɛkusum, amɛhewolonɔ su, loo amɛjamɔ lɛ jogbaŋŋ. 3. Gbeyei ni mɛi sheɔ akɛ mɛi kɛ tsakemɔi baaba, mɛi baaŋɔ nibii ni amɛyɔɔ lɛ, loo nɔ ko baaba wɔsɛɛ. 4. Hetsɛ̃ hãa mɛi jieɔ nii amli, amɛkɛ mɛi yeee jogbaŋŋ, loo amɛfeɔ yiwalɛ nii.

JEEE ADESAI KƐ HETSƐ̃ BA. Be ni ŋwɛibɔfo ko, ni sɛɛ mli lɛ abale lɛ akɛ Satan Abonsam lɛ, tse Nyɔŋmɔ hiɛ atua lɛ ni hetsɛ̃ je shishi. “Gbɔmɔgbelɔ” ji Abonsam ‘be ni eje etuatsemɔ lɛ shishi lɛ.’ Akɛni “amalelɔ kɛ malemɔ tsɛ ji lɛ” hewɔ lɛ, kɛbashi ŋmɛnɛ lɛ, ehãa mɛi ahe tsɛ̃ɔ mɛi, ni amɛfeɔ yiwalɛ nii. (Yohane 8:44; 1 Yohane 3:11, 12) Biblia lɛ tsɔɔ akɛ, eyitsoŋ wa, emli efu waa, ni efeɔ yiwalɛ nii.—Hiob 2:7; Kpojiemɔ 12:9, 12, 17.

WƆYEEE EMUU, HEWƆ LƐ EWAAA AKƐ WƆHE BAATSƐ̃ MƐI. Adam, ni ji klɛŋklɛŋ gbɔmɔ lɛ, kɔ Satan nane. Enɛ hewɔ lɛ, adesai fɛɛ yeee emuu ni amɛfeɔ esha. (Romabii 5:12) Adam kromɔ binuu Kain he tsɛ̃ enyɛmi Habel, ni egbe lɛ. (1 Yohane 3:12) Eji anɔkwale akɛ, ŋmɛnɛ lɛ, mɛi pii jieɔ suɔmɔ kɛ musuŋtsɔlɛ kpo. Shi akɛni wɔyeee emuu hewɔ lɛ, mɛi babaoo fóɔ amɛ pɛ amɛnɔ mli, amɛhiɛ kɔ̃ɔ nii anɔ, ni amɛnaa amɛhe tsɔ, ni no hãa amɛhe tsɛ̃ɔ mɛi.—2 Timoteo 3:1-5.

MƆ NI SUMƆƆƆ MƐI NI ESORO AMƐ YƐ EHE LƐ ASANE LƐ HE TSƐ̃Ɔ MƐI. Awoɔ mɛi hewalɛ ni amɛjie sui gbohii akpo, ni no hãa mɛi ahe tsɛ̃ɔ mɛi. Nyɛɛ, niiamlijiemɔ, mɔjɛmɔ, kɛ yiwalɛ nifeemɔ ehe shi yɛ je lɛŋ, ejaakɛ “jeŋ muu lɛ fɛɛ kã mɔ fɔŋ lɛ [Satan Abonsam] hewalɛ mli.”—1 Yohane 5:19.

Jeee nɔ ni kɛ hetsɛ̃ ba lɛ kɛkɛ Biblia lɛ hãa anaa. Etsɔɔ bɔ ni abaafee afo sɛɛ hu.