Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • w22 April bf. 15
  • ‘Amɛhã Migbei Lɛ Biskit’

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • ‘Amɛhã Migbei Lɛ Biskit’
  • Buu-Mɔɔ Eetswa Yehowa Maŋtsɛyeli He Adafi (Nikasemɔ Nɔ)—2022
  • Saji Ni Tamɔ Enɛ
  • Bɔ ni Okulafo Shihilɛ Ná Yei Enyɔ Komɛi Anɔ Hewalɛ
    Buu-Mɔɔ Eetswa Yehowa Maŋtsɛyeli He Adafi—2001
  • Yehowa Jɔɔmɔi Eha Mina Nii
    Buu-Mɔɔ Eetswa Yehowa Maŋtsɛyeli He Adafi—1990
  • Ani Ole?
    Buu-Mɔɔ Eetswa Yehowa Maŋtsɛyeli He Adafi (Maŋbii Anɔ)—2017
  • Sanegbaa—Efe wiemɔ folo kɛkɛ
    Buu-Mɔɔ Eetswa Yehowa Maŋtsɛyeli He Adafi—1993
Kwɛmɔ Ekrokomɛi Hu
Buu-Mɔɔ Eetswa Yehowa Maŋtsɛyeli He Adafi (Nikasemɔ Nɔ)—2022
w22 April bf. 15
Nuu ko kɛ egbei enyɔ miishara shi. Amɛmiiya nyɛmi nuu ko kɛ eŋa ni damɔ maŋ odaseyeli shwiili ko he lɛ masɛi.

‘Amɛhã Migbei Lɛ Biskit’

NICK ni yɔɔ Oregon yɛ U.S.A. lɛ ŋma akɛ: “Yɛ afi 2014 shishijeegbɛ lɛ, mikɛ migbei bibii enyɔ lɛ bɔi shisharamɔ yɛ wɔkutso lɛ mli. Bei pii lɛ kɛ́ miiya lɛ, minaa Odasefoi komɛi ni amɛdamɔ amɛshwiili ni amɛto woji amɛshwie nɔ lɛ he. Amɛsaa amɛhe jogbaŋŋ, amɛŋaa mɔ fɛɛ mɔ ni hoɔ lɛ, ni be fɛɛ be lɛ, amɛhiɛ yɛ ŋmɔlɔŋmɔlɔ.

“Odasefoi lɛ tse amɛhiɛ amɛhã mɔ fɛɛ mɔ, ni amɛtse amɛhiɛ amɛhã migbei lɛ po. Gbi ko lɛ, amɛteŋ mɔ kome ni atsɛɔ lɛ Elaine lɛ hã migbei enyɔ lɛ biskit. Kɛjɛ no sɛɛ kɛyaa lɛ, be fɛɛ be ni wɔbaashɛ jɛmɛ lɛ, gbei lɛ gbalaa mi koni wɔya shwiili lɛ he ni ahã amɛ biskit.

“Enɛ tee nɔ nyɔji abɔ. Be fɛɛ be ni wɔbaashɛ jɛmɛ lɛ, gbei lɛ yakpeɔ amɛbiskit lɛ ni Odasefoi lɛ kɛ mi gbaa sane kuku. Shi no mli lɛ, misumɔɔɔ ni mikɛ amɛ gbaa sane etsɛɔ, ejaakɛ miye afii 70 kɛ sɛɛ ni mileee nɔ ni amɛheɔ amɛyeɔ. Mitee sɔlemɔi srɔtoisrɔtoi pii, shi nɔ ko kpakpa jɛɛɛ mli kɛbaaa. No hewɔ lɛ, mikpɛ miyiŋ akɛ mi diɛŋtsɛ makase Biblia lɛ.

“Yɛ nɛkɛ be nɛɛ nɔŋŋ mli lɛ, minaa Odasefoi krokomɛi hu yɛ maŋ lɛ mli hei krokomɛi ni amɛ hu amɛdamɔ amɛshwiilii lɛ ahe. Amɛ hu amɛtseɔ amɛhiɛ amɛhãa mi be fɛɛ be, ni kɛ́ mibi amɛ sane lɛ, amɛjɛɔ Biblia lɛ mli amɛhãa mi hetoo. Enɛ hã mina akɛ amɛlakaŋ mi.

“Gbi ko lɛ, Elaine bi mi akɛ, ‘Ani ole akɛ Nyɔŋmɔ kɛ kooloi hã wɔ akɛ nikeenii?’ Mihã lɛ hetoo akɛ, ‘Hɛɛ, mile waa!’ Kɛkɛ ni Elaine kane Yesaia 11:6-9 lɛ ehã mi. Nakai ŋmalɛ lɛ ta mitsuiŋ waa. Shi fɛɛ sɛɛ lɛ, miheee amɛwoji lɛ eko.

“Kɛjɛ no sɛɛ kɛyaa lɛ, Elaine kɛ ewu Brent kɛ mi gbaa Biblia lɛ mli sane fiofio, ni minya he waa. Amɛwo mi ŋaa ni mikane Mateo wolo lɛ kɛyashi Bɔfoi awolo lɛ koni mana nɔ ni hãa anaa akɛ mɔ ko ji Kristofonyo diɛŋtsɛ. No hewɔ lɛ, mifee nakai. No sɛɛ etsɛɛɛ lɛ, mihã Elaine kɛ Brent kɛ mi bɔi Biblia lɛ kasemɔ. Enɛ ba yɛ afi 2016 teŋgbɛ.

“Minya Biblia lɛ ni amɛkɛ mi kaseɔ daa otsi, kɛ asafoŋ kpeei ni miyaa yɛ Maŋtsɛyeli Asa lɛ nɔ lɛ ahe waa. Miná miishɛɛ waa akɛ miinu nɔ ni Biblia lɛ tsɔɔ lɛ shishi. No sɛɛ afi kɛ nyɔji fioo lɛ, abaptisi mi akɛ Yehowa Odasefonyo. Amrɔ nɛɛ, miye afii 79, ni mile akɛ mina anɔkwa jamɔ lɛ. Yehowa ejɔɔ mi waa akɛ ehã mibafata ewebii ni ejɔɔ amɛhe nɔ amɛhã lɛ ni efee ekome akɛ weku kɛmiijá lɛ lɛ ahe.”

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje