Saji Krokomɛi Ni Jeɔ Kpo Yɛ Buu-Mɔɔ Lɛ, Nikasemɔ Nɔ Lɛ Mli

Nyɛmimɛi babaoo kɛ JW Library^® lɛ tsuɔ nii kɛsaa amɛhe kɛhã asafoŋ kpeei, ni amɛnyaa bɔ ni ato he gbɛjianɔ ni kɛ́ amɛnyɛ nɔ nɔŋŋ lɛ, ekɛ amɛ yaa sane ni abaakase yɛ Buu-Mɔɔ lɛ mli lɛ nɔ tɛ̃ɛ lɛ he waa. Shi bei pii lɛ, akɛ saji krokomɛi ni tswaa mɔ emaa shi hu woɔ Buu-Mɔɔ lɛ, nikasemɔ nɔ lɛ mli. Kɛ́ JW Library lɛ okɛtsuɔ nii lɛ, te obaafee tɛŋŋ ona saji nɛɛ ni okane koni oná he sɛɛ lɛ?

• Kɛ́ okwɛ Buu-Mɔɔ nikasemɔ lɛ eko fɛɛ eko shishi lɛ, obaana ni aŋma “Additional Reading.” Kɛ́ okwɛ no hu shishi lɛ, obaana ni aŋma “Other articles in this issue.” Kɛ́ onyɛ nɔ lɛ, obaana Buu-Mɔɔ lɛ mli saji lɛ ni ato naa. Nɔ ni aŋmala nɔmbai yɛ he lɛ ji nɔ ni wɔkaseɔ yɛ asafoŋ kpeei ashishi lɛ, ni nɔ ni aŋmalako nɔmbai yɛ he lɛ ji saji krokomɛi lɛ. Obaanyɛ ogbele saji krokomɛi lɛ eko ni okane.

• Kɛ́ ogbele JW Library lɛ nɔŋŋ lɛ, taomɔ saneyitso ni ji, “What’s New.” Daunlodimɔ Buu-Mɔɔ lɛ, nikasemɔ nɔ lɛ ehee ni obaana yɛ jɛmɛ lɛ. Kɛ́ ogbele Buu-Mɔɔ lɛ, obaana emli saji lɛ, ni obaanyɛ okane emli saji lɛ eko fɛɛ eko ni okɛwo ohe hewalɛ.