Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • wp24 No. 1 bf. 6-9
  • Wɔbaanyɛ Wɔhe Biblia Lɛ Wɔye Yɛ Nɔ Ni Ja Kɛ Nɔ Ni Ejaaa He

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Wɔbaanyɛ Wɔhe Biblia Lɛ Wɔye Yɛ Nɔ Ni Ja Kɛ Nɔ Ni Ejaaa He
  • Buu-Mɔɔ Eetswa Yehowa Maŋtsɛyeli He Adafi (Maŋbii Anɔ)—2024
  • Saneyitsei Bibii
  • Saji Ni Tamɔ Enɛ
  • NYƆŊMƆ GBƐTSƆƆMƆ HE MIIHIA WƆ
  • BIBLIA LƐ HÃA WƆNAA NYƆŊMƆ GBƐTSƆƆMƆI LƐ
  • Ani Biblia Lɛ Gbɛtsɔɔmɔi Ni Kɔɔ Nɔ Ni Ja Kɛ Nɔ Ni Ejaaa He Lɛ Ahe Miihia Lolo?
    Saji Krokomɛi
  • Nibii Krokomɛi Ni Baaye Abua Wekui
    Awake!—2018
  • Mɛni Baanyɛ Awa Wɔ Koni Nibii Ahi Ahã Wɔ Wɔsɛɛ?
    Buu-Mɔɔ Eetswa Yehowa Maŋtsɛyeli He Adafi (Maŋbii Anɔ)—2021
  • Mɛɛ Gbɛtsɔɔmɔ Okɛbaatsu Nii?
    Buu-Mɔɔ Eetswa Yehowa Maŋtsɛyeli He Adafi (Maŋbii Anɔ)—2024
Kwɛmɔ Ekrokomɛi Hu
Buu-Mɔɔ Eetswa Yehowa Maŋtsɛyeli He Adafi (Maŋbii Anɔ)—2024
wp24 No. 1 bf. 6-9

Biblia Lɛ Baanyɛ Atsɔɔ Bo Nɔ Ni Ja Kɛ Nɔ Ni Ejaaa

Kɛ́ wɔdamɔ bɔ ni wɔnuɔ he wɔhãa loo bɔ ni mɛi krokomɛi nuɔ he amɛhãa lɛ pɛ nɔ wɔkpɛ wɔyiŋ yɛ nɔ ni ja kɛ nɔ ni ejaaa he lɛ, wɔnyɛŋ wɔná nɔmimaa akɛ nibii baahi ahã wɔ. Biblia lɛ tsɔɔ nɔ hewɔ ni ebaa lɛ nakai, ni ehãa wɔnaa nibii krokomɛi hu yɛ sane nɛɛ he. Jeŋba he gbɛtsɔɔmɔi ni ja yɛ mli, ni kɛ́ wɔkɛtsu nii lɛ, ebaahã wɔná miishɛɛ.

NYƆŊMƆ GBƐTSƆƆMƆ HE MIIHIA WƆ

Yehowaa Nyɔŋmɔ hãa wɔnaa yɛ Biblia lɛ mli akɛ egbɛtsɔɔmɔ he miihia adesai ejaakɛ amɛ diɛŋtsɛ amɛnyɛŋ amɛkudɔ amɛnajifaamɔi. (Yeremia 10:23) Ni no hewɔ ni ehã aŋmala ejeŋba he gbɛtsɔɔmɔi yɛ Biblia lɛ mli lɛ. Esumɔɔ wɔ, ni esumɔɔɔ ni wɔkpɛɔ yiŋ gbohii ni baaye wɔ awui ni baahã etɔ wɔ yɛ shihilɛ mli. (5 Mose 5:29; 1 Yohane 4:8) Nɔ ni he hiaa fe fɛɛ lɛ, lɛ ji wɔ-Bɔlɔ, ni ele nii, ni ehiɛ kã shi bɔ ni baahã ekɛ jeŋba he gbɛtsɔɔmɔi ni hi fe fɛɛ ahã wɔ. (Lala 100:3; 104:24) Fɛɛ sɛɛ lɛ, Nyɔŋmɔ enyɛɛɛ mɛi anɔ ni amɛhi shi yɛ egbɛtsɔɔmɔi lɛ anaa.

Yehowa hã klɛŋklɛŋ nuu kɛ yoo ni ji Adam kɛ Hawa nɔ fɛɛ nɔ ni he hiaa amɛ ni baahã amɛná miishɛɛ. (1 Mose 1:​28, 29; 2:​8, 15) Agbɛnɛ hu, ekɛ gbɛtsɔɔmɔi ni nɔyeli waaa ni esa akɛ amɛbo toi hã amɛ. Shi eshi ehã amɛ ni amɛ diɛŋtsɛ amɛkpɛ amɛyiŋ kɛ́ amɛbaabo toi loo amɛboŋ toi. (1 Mose 2:​9, 16, 17) Mɔbɔ sane ji akɛ, Adam kɛ Hawa hala akɛ amɛbaahi shi yɛ amɛ diɛŋtsɛ amɛgbɛtsɔɔmɔi anaa, moŋ fe ni amɛbaahi shi yɛ Nyɔŋmɔ gbɛtsɔɔmɔi anaa. (1 Mose 3:6) Mɛni ejɛ mli kɛba? Kɛ́ mɛi fee nɔ fɛɛ nɔ ni amɛsusuɔ akɛ eja lɛ, ani no hãa amɛnáa miishɛɛ? Dabi. Yɛ afii ni eho lɛ amli fɛɛ lɛ, wɔna akɛ kɛ́ mɛi ku amɛhiɛ amɛshwie Nyɔŋmɔ gbɛtsɔɔmɔi anɔ lɛ, ehãaa amɛná toiŋjɔlɛ kɛ miishɛɛ.—Jajelɔ 8:9.

Gbɛtsɔɔmɔi ni baanyɛ awa wɔ ni wɔkpɛ yiŋ kpakpai ekɔɔɔ he eko he ni wɔyɔɔ loo shihilɛ mli ni wɔyɔɔ lɛ yɛ Biblia lɛ mli. (2 Timoteo 3:​16, 17; kwɛmɔ akrabatsa ni ji “Wolo Kɛhã Gbɔmɛi Fɛɛ” lɛ.) Hã wɔsusu enɛ he wɔkwɛ.

Kɛ́ ootao ole saji krokomɛi ni hãa wɔnaa akɛ eja gbɛ akɛ abaatsɛ Biblia lɛ akɛ “Nyɔŋmɔ wiemɔ” lɛ, kwɛmɔ vidio ni ji, Namɔ Ji Biblia lɛ Ŋmalɔ? ni yɔɔ jw.org lɛ nɔ lɛ.—1 Tesalonikabii 2:13.

WOLO KƐHÃ GBƆMƐI FƐƐ

Ekã shi faŋŋ akɛ, Bɔlɔ ni hiɛ kã shi ni yɔɔ suɔmɔ lɛ baahã mɔ fɛɛ mɔ nine ashɛ ejeŋba he gbɛtsɔɔmɔi lɛ anɔ. Naa Biblia lɛ he saji komɛi:

Mɛi ni hiɛ hewolonɔ sui srɔtoi miikane Biblia lɛ. Bibliai henɔi srɔtoi yɛ shishigbɛ; nɔ ni aprinti kɛ ilɛtrɔnik nɔ.
  • 3,500+ Yibɔ nɛɛ ji wiemɔi abɔ ni atsɔɔ Biblia lɛ loo efã ko shishi kɛtee mli, ni no hãa Biblia lɛ feɔ wolo ni atsɔɔ shishi kɛtee wiemɔi ni fa fe fɛɛ amli.

  • 5,000,000,000+ Yibɔ nɛɛ ji Bibliai abɔ ni aprinti, ni wolo ko bɛ ni aprinti babaoo nakai.

Biblia lɛ etsɔɔɔ akɛ weku ko, maŋ ko, loo bɔ ni gbɔmɛi akuu ko hiɔ shi amɛhãa lɛ hi fe ekroko. Eji wolo ko kɛhã gbɔmɛi fɛɛ lɛɛlɛŋ.

Kanemɔ Biblia lɛ yɛ Intanɛt lɛ nɔ (eyɛ wiemɔi ni fa fe 250 amli) yɛ jw.org lɛ nɔ

Nuu ko miikane Biblia lɛ, ni ekɛ ewao nyiɛ sɛɛ.

NƆ HEWƆ NI MƐI KOMƐI KƐ BIBLIA LƐ TSUUU NII

Mɛi komɛi kɛɔ akɛ jeŋba he gbɛtsɔɔmɔi kpakpai bɛ Biblia lɛ mli. Naa saji komɛi ni amɛwieɔ kɛjieɔ amɛnaa.

Nɔ ni amɛkɛɔ: “Biblia mli saji lɛ kɛ amɛhe kpãaa gbee.”

Anɔkwa sane: Kɛ́ okane Biblia lɛ mli saji komɛi lɛ, efeɔ tamɔ nɔ ni saji nɛɛ kɛ emli saji komɛi kpãaa gbee. Shi kɛ́ oná ole bɔ ni fee ni aŋma saji nɛɛ kɛ be ni aŋma lɛ, obaana akɛ yɛ anɔkwale mli lɛ, amɛkɛ amɛhe kpãa gbee.

Kɛ́ ootao enɛ he saji pɔtɛi komɛi lɛ, kanemɔ sane ni ji, “Ani Biblia Mli Saji Lɛ Teɔ Shi Woɔ Amɛhe?” lɛ yɛ jw.org lɛ nɔ.

Nɔ ni amɛkɛɔ: “Mɛi ni kɛɛ amɛkɛ Biblia lɛ tsuɔ nii lɛ feɔ nibii gbohii, no hewɔ lɛ, jeŋba he gbɛtsɔɔmɔ kpakpa bɛ mli.”

Anɔkwa sane: Kɛ́ mɛi kɛ Biblia lɛ mli tsɔɔmɔi lɛ tsuuu nii lɛ, wɔnyɛŋ wɔkɛɛ akɛ Biblia lɛ hewɔ amɛfeɔ nakai. Biblia lɛ egba akɛ, mɛi babaoo, ni jamɔŋ hiɛnyiɛlɔi fata he, ni kɛɔ akɛ amɛheɔ Biblia lɛ mli saji amɛyeɔ lɛ efeŋ nɔ ni Biblia lɛ kɛɔ lɛ. Egba hu akɛ, mɛi nɛɛ anifeemɔi lɛ baahã awie ashi Biblia lɛ mli tsɔɔmɔi lɛ.—2 Petro 2:​1, 2.

Bɔ ni afee ni ona bɔ ni jamɔŋ hiɛnyiɛlɔi babaoo kɛ Biblia mli tsɔɔmɔi lɛ tsuuu nii lɛ, kanemɔ sane ni ji, “Ani Jamɔ Ji Gbɛ Ni Esa Akɛ Atsɔ Nɔ Aná Shika?” lɛ yɛ jw.org lɛ nɔ.

Nɔ ni amɛkɛɔ: “Mɛi ni kɛɛ amɛkɛ Biblia lɛ tsuɔ nii lɛ ebuuu mɛi ni esoro amɛ yɛ amɛhe lɛ.”

Anɔkwa sane: Biblia lɛ tsɔɔ akɛ, esa akɛ wɔkɛ mɛi krokomɛi aye yɛ gbɛ ni tsɔɔ akɛ wɔbuɔ amɛ lɛ naa. Ewoɔ wɔ hewalɛ ni. . .

  • wɔkana wɔhe akɛ wɔnɔ kwɔlɔ fe mɛi krokomɛi.—Filipibii 2:3.

  • wɔbu gbɔmɛi srɔtoi fɛɛ.—1 Petro 2:17.

  • wɔkanyɛ mɛi anɔ doo akɛ amɛfee nibii ni wɔfeɔ lɛ.—Mateo 10:14.

Biblia lɛ tsɔɔ akɛ be fɛɛ be lɛ, Nyɔŋmɔ kɛ mɛi yeɔ jogbaŋŋ, ni eesumɔ ni wɔ hu wɔfee nakai nɔŋŋ.—Romabii 9:14.

Kɛ́ ootao ole enɛ he saji krokomɛi lɛ, kanemɔ sane ni ji, “Bɔ Ni Biblia Lɛ Baanyɛ Aye Abua Bo Ni Onu Mɛi Krokomɛi Ashishi” lɛ yɛ jw.org lɛ nɔ.

BIBLIA LƐ HÃA WƆNAA NYƆŊMƆ GBƐTSƆƆMƆI LƐ

Biblia lɛ hãa wɔleɔ bɔ ni Yehowa kɛ adesai eye ehã kɛjɛ be ni abɔ Adam kɛ Hawa lɛ tɔ̃ɔ. Saji ni yɔɔ Biblia lɛ mli lɛ hãa wɔnaa nifeemɔi ni Nyɔŋmɔ naa amɛ akɛ amɛja ni wɔbaaná he sɛɛ kɛ nifeemɔi ni enaa amɛ akɛ amɛjaaa ni baaye wɔ awui. (Lala 19:​7, 11) Ŋaawoi ni yɔɔ mli lɛ hi, ni amɛbe hooo, ni amɛwaa wɔ ni wɔkpɛɔ yiŋ kpakpai yɛ shihilɛ mli.

Akɛ nɔkwɛmɔnɔ lɛ, hã wɔsusu ŋaawoo ni yɔɔ Abɛi 13:20 lɛ he wɔkwɛ, aŋma yɛ jɛmɛ akɛ: “Mɔ ni kɛ hiɛshikalɔi nyiɛɔ lɛ, ebaatsɔ hiɛshikalɔ, shi mɔ ni kɛ kwashiai bɔɔ lɛ, egbeŋ naa ekpakpa.” Ŋaawoo nɛɛ hi kɛhã wɔ ŋmɛnɛ, tamɔ eji yɛ blema lɛ nɔŋŋ. Biblia lɛ eyi kɛ ŋaawoi kpakpai tamɔ nɛkɛ ni he yɔɔ sɛɛnamɔ.—Kwɛmɔ akrabatsa ni ji, “Ŋaawoi Ni Yɔɔ Biblia Lɛ Mli Lɛ Abe Hooo” lɛ.

Shi ekolɛ, obaabi ohe akɛ, ‘Te mafee tɛŋŋ maná nɔmimaa akɛ ŋaawoi ni yɔɔ Biblia lɛ mli lɛ baanyɛ awa mi?’ Wɔbaasusu bɔ ni Biblia lɛ eye ebua mɛi komɛi ŋmɛnɛ lɛ he yɛ sane ni nyiɛ sɛɛ lɛ mli.

a Nyɔŋmɔ gbɛ́i diɛŋtsɛ ji Yehowa.—Lala 83:18.

ŊAAWOI NI YƆƆ BIBLIA LƐ MLI LƐ ABE HOOO

Aŋma Biblia lɛ agbe naa nɛɛ aaafee afii 2,000 sɔŋŋ eho, shi loloolo lɛ emli ŋaawoi lɛ ahe yɛ sɛɛnamɔ. Kɛjɛ blema tɔ̃ɔ lɛ, gbɔmɛi sumɔɔ ni amɛná miishɛɛ kɛ shihilɛ kpakpa. (Jajelɔ 1:9) Ŋaawoi ni yɔɔ Biblia lɛ mli lɛ abe hooo, ni amɛbaanyɛ amɛwa wɔ ni wɔshɛ nakai oti lɛ he.

Anɔkwayeli

  • “Wɔmiisumɔ ni wɔye anɔkwa yɛ nibii fɛɛ ni wɔfeɔ lɛ amli.”—Hebribii 13:18.

  • “Julɔ lɛ ekaju dɔŋŋ; shi moŋ, etsu nii waa.”—Efesobii 4:28.

Bɔ Ni Esa Akɛ Wɔkɛ Mɛi Aye Ahã

  • “Mɔ ko mɔ ko akaya nɔ etao nɔ ni lɛ diɛŋtsɛ ebaaná he sɛɛ, shi moŋ nɔ ni mɔ kroko baaná he sɛɛ.”—1 Korintobii 10:24.

  • “Nyɛyaa nɔ nyɛnáa tsui nyɛhãa nyɛhe ni nyɛkɛkea nyɛhe tswaa.”—Kolosebii 3:13.

Bɔ Ni Esa Akɛ Wɔkpɛ Wɔyiŋ Wɔhã

  • “Mɔ ni jwɛŋmɔ esako lɛ heɔ wiemɔ fɛɛ wiemɔ eyeɔ, shi hiɛtɛ̃lɔ kwɛɔ enajifaamɔi jogbaŋŋ.”—Abɛi 14:15.

  • “Hiɛtɛ̃lɔ naa oshãra lɛ, ni eteɔ ehe, shi mɔ ni jwɛŋmɔ esako lɛ, ebɛŋkɛɔ he, ni enaa amane.”—Abɛi 22:3.

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje