Nɔ Ni Obaanyɛ Ofee Kɛ́ Aye Bo Sane Ni Ejaaa

Kanemɔ 1 Mose 37:​23-28; 39:​17-23 lɛ ni okwɛ akɛ mɛni obaanyɛ okase kɛjɛ bɔ ni Yosef fee enii ehã be ni aye lɛ sane ni ejaaa lɛ mli.

Kanemɔ saji ni tsɔ hiɛ lɛ kɛ nɔ ni nyiɛ sɛɛ lɛ fɛɛ jogbaŋŋ. Mɛni hã aye Yosef sane ni ejaaa lɛ? (1 Mo. 37:​3-11; 39:​1, 6-10) Be enyiɛ eye dani enaagbai lɛ asɛɛ fo? (1 Mo. 37:2; 41:46) Be ni ayeɔ lɛ sane ni ejaaa lɛ, mɛni Yehowa fee ehã lɛ? Shi mɛni Yehowa efeee?—1 Mo. 39:​2, 21; w23.01 17 kk. 13.

Taomɔ nii amli yɛ emli saji lɛ ahe. Biblia lɛ ewieee akɛ be ni Potifar ŋa lɛ folɔ Yosef naa lɛ, Yosef fã enaa. Mɛɛ gbɛ nɔ ŋmalɛi ni nyiɛ sɛɛ nɛɛ baanyɛ aye abua wɔ ni wɔna nɔ hewɔ ni ekolɛ Yosef fãaa enaa lɛ? Ni kɛ́ efã enaa lɛ, mɛɛ gbɛ nɔ amɛbaanyɛ amɛye amɛbua wɔ ni wɔna nɔ hewɔ ni esaaa akɛ wɔkpaa gbɛ akɛ abaaŋma nɔ fɛɛ nɔ yɛ Biblia lɛ mli lɛ? (Abɛi 20:2; Yoh. 21:25; Bɔf. 21:37) Mɛɛ sui eeenyɛ efee akɛ eye ebua Yosef ni enyɛ efi shi be ni ayeɔ lɛ sane ni ejaaa lɛ?—Mika 7:7; Luka 14:11; Yak. 1:​2, 3.

Jwɛŋmɔ nibii ni okase yɛ mli lɛ anɔ. Bi ohe akɛ:

• ‘Mɛɛ sane ni ejaaa abaanyɛ akɛye mi akɛni miji Yesu kaselɔ lɛ hewɔ?’ (Luka 21:​12, 16, 17; Heb. 10:​33, 34)

• ‘Mɛni manyɛ mafee bianɛ koni kɛ́ aye mi sane ni ejaaa lɛ, manyɛ mafi shi?’ (Lala 62:​7, 8; 105:​17-19; w19.07 2-7)