Naagbai Ni Nibii Ni Afeɔ Kɛfiteɔ Shikpɔŋ Lɛ Kɛ Kɔɔyɔɔŋ Tsakemɔ Kɛbaa​—Nɔ Ni Nyɔŋmɔ Maŋtsɛyeli Lɛ Baafee Yɛ He

“Naagbai wuji ni kɔɔyɔɔŋ tsakemɔ kɛbaa lɛ miihao mɛi waa, eefite maji, ni eekpãtã adesai, kooloi, kɛ tsei ashihilɛhei ahiɛ. Ahum wuji kɛ nugbɔnɛmɔ ni naa wala ni kɔɔyɔɔŋ tsakemɔ kɛbaa lɛ miikpãtã mɛi ashĩai kɛ nitsumɔhei ahiɛ yɛ je lɛŋ he fɛɛ he. Ŋshɔŋ lɛ mli ebɔi dɔɔ waa yɛ bei nɛɛ amli lɛ, ni no baanyɛ akpãtã ŋshɔŋ kooloi komɛi ahiɛ.”​—Inger Andersen, efata onukpai lɛ ahe yɛ Jeŋmaji Ekomefeemɔ lɛ mli, ni eji onukpa hu yɛ UN Environment Programme, July 25, 2023.

Ani nɔyelii baanyɛ afee ekome kɛtsu jeŋ fɛɛ naagbai nɛɛ ahe nii? Ani amɛbaanyɛ amɛtsu naagbai nɛɛ ahe nii jogbaŋŋ kɛmɔ shi?

Biblia lɛ kɛɛ, nɔyeli ko yɛ ni baanyɛ etsu shikpɔŋ nɛɛ nɔ naagbai lɛ fɛɛ ahe nii jogbaŋŋ kɛmɔ shi, ni ebaatsu he nii hu lɛɛlɛŋ. Ekɛɛ, “Nyɔŋmɔ ni yɔɔ ŋwɛi lɛ baato maŋtsɛyeli ko . . . shishi.” Maŋtsɛyeli nɛɛ ji nɔyeli ni baaye shikpɔŋ muu lɛ fɛɛ nɔ kɛtsu naagbai fɛɛ ni yɔɔ shikpɔŋ lɛ nɔ he nii jogbaŋŋ kɛmɔ shi. (Daniel 2:44) Yɛ nɔyeli nɛɛ, ni baaye jeŋ muu lɛ fɛɛ nɔ lɛ shishi lɛ, ‘mɔ ko yeŋ mɔ ko awui ko, ni afeŋ nɔ ko hu ni baafite shikpɔŋ lɛ.​—Yesaia 11:9.