Shishigbɛ Niŋmaa

a Hela wiemɔ ni atsɔɔ shishi akɛ “ehũŋ” lɛ jɛ feemɔ wiemɔ (em·bri·maʹo·mai) ni tsɔɔ awerɛho kɛ dɔlɛ ni mli wa waa ni aaaha mɔ ko aye lɛ mli. Biblia nilelɔ ko ŋma akɛ: “Nɔ ni ebaanyɛ etsɔɔ yɛ biɛ pɛ ji akɛ henumɔ ni mli wa ni tamɔ nɛkɛ ye Yesu nɔ aahu akɛ no ha ehũŋ kɛjɛ E-tsui mli ni ehiɛ bɛ ehe nɔ.” Wiemɔ ni atsɔɔ shishi akɛ “ekpokpo” lɛ jɛ Hela wiemɔ (ta·rasʹso) ni tsɔɔ haomɔ ni baa mɔ ko nɔ lɛ mli. Taakɛ wiemɔi ashishitsɔɔmɔ wolo he gbɛjianɔtolɔ ko tsɔɔ lɛ, no tsɔɔ akɛ “ní aaaha mɔ ahao trukaa shikome yɛ emli, . . . ní aaaha mɔ aye awerɛho loo ŋkɔmɔ ni naa wa waa.” Wiemɔ ni ji “[e]fó” lɛ jɛ Hela feemɔ wiemɔ (da·kryʹo) mli, ni eshishi ji “ní yaafonui aaaho, ni afo blɛoo.”