Shishigbɛ Niŋmaa

c Esoro bɔ ni ato kai lɛ anaa ahã yɛ Luka Sanekpakpa lɛ mli, shi eyɛ faŋŋ akɛ, Mateo to kai lɛ anaa yɛ bɔ ni amɛba lɛ amɛhã lɛ naa. Naa yiŋtoi etɛ hewɔ ni wɔkɛɔ nakai. (1) Be ni Mateo wieɔ kaa ni ji enyɔ lɛ he lɛ, eje shishi kɛ wiemɔ ni ji “kɛkɛ ni,” ni no tsɔɔ akɛ no ji kaa ni tsa klɛŋklɛŋ nɔ lɛ sɛɛ. (2) Kai lɛ ateŋ enyɔ yɛ nigii, ni yɛ eko fɛɛ eko mli lɛ, Abonsam kɛ wiemɔ ni ji, “Kɛ́ Nyɔŋmɔ bi ji bo lɛ” je shishi. No hewɔ lɛ, etamɔ nɔ ni nilee yɛ mli akɛ nomɛi ba dani kaa ni yɔɔ tɛ̃ɛ lɛ, ni ji ka ni Satan ka Yesu koni eku Kitãi Nyɔŋma lɛ ateŋ klɛŋklɛŋ nɔ lɛ mli lɛ ba. (2 Mo. 20:2, 3) (3) Belɛ, shishinumɔ yɛ he akɛ abaakɛɛ akɛ, Yesu wie wiemɔi ni ji “Jee mihiɛ, Satan!” lɛ yɛ kaa ni ji etɛ lɛ, ni ji naagbee kaa lɛ sɛɛ.​—Mat. 4:5, 10, 11.