Shishigbɛ Niŋmaa

a Ehe bahia ni Kristofoi komɛi ni tsuɔ nii yɛ helatsamɔhei lɛ asusu shihilɛ ni tsɔɔ hegbɛ ni ayɔɔ nɛɛ he. Ekolɛ tsofafeelɔ ko baaná hegbɛ koni eshɛ tsofai eha helatsɛ ko loo ni akɛbaafee helatsɛ ko tsofa. Kɛ egbaaa helatsɛ ko naa tete po lɛ, te ebaafee tɛŋŋ ni Kristofonyo datrɛfonyo ko ni yɔɔ hegbɛ lɛ kɛ famɔ baaha koni aha mɔ ko lá loo afite musu, yɛ be mli ni ele nɔ ni Biblia lɛ kɛɔ yɛ saji nɛɛ ahe? Nɔ ni tamɔɔɔ nakai lɛ, ekolɛ helatsɛmɛi akwɛlɔ ko ni ahe lɛ awo helatsamɔhe lɛ bɛ hegbɛ ni tamɔ nakai. Yɛ be mli ni etsuɔ daa gbi nitsumɔ lɛ, ekolɛ datrɛfonyo lɛ kɛ famɔ baaha lɛ koni ekwɛ mɔ ko lá mli yɛ yiŋtoo ko hewɔ loo ekwɛ helatsɛ ko ni ba kɛha musufitemɔ lɛ. Yɛ nɔkwɛmɔnɔ ni aŋma yɛ 2 Maŋtsɛmɛi 5:​17-19 kɛ gbeekpamɔ naa lɛ, ekolɛ ebaamu sane naa akɛ akɛni jeee lɛ ji mɔ ni yɔɔ hegbɛ ni fãa koni agbala lá awo mɔ lɛ mli loo koni afite mɔ ko musu lɛ, ebaanyɛ etsu nitsumɔi ni he hiaa helatsɛ ko. Shi kɛlɛ, ehe baahia koni ekɛ ehenilee atsu nii lolo, bɔni afee ni ‘ekɛ henilee kpakpa aba ejeŋ yɛ Nyɔŋmɔ hiɛ.’​—⁠Bɔfoi lɛ Asaji 23:⁠1.