Shishigbɛ Niŋmaa

a Dani miishɛɛ baahi weku ko mli lɛ, esa akɛ weku lɛ mli bii lɛ ateŋ mɔ fɛɛ mɔ ale nɔ ni abiɔ ni etsu yɛ weku lɛ mli, ni etsu he nii, ni eye ebua weku lɛ mli bii krokomɛi lɛ ni amɛ hu amɛfee nakai. Esa akɛ tsɛ lɛ anyiɛ weku lɛ hiɛ, ni efee nakai yɛ gbɛ ni baahã weku lɛ mli bii lɛ ana akɛ esumɔɔ amɛ lɛ nɔ. Esa akɛ ŋa lɛ aye abua ewu lɛ, ni gbekɛbii lɛ hu abo amɛfɔlɔi lɛ toi. Nakai nɔŋŋ eji yɛ Yehowa weku lɛ mli. Nɔ ko hewɔ Yehowa bɔ wɔ, ni kɛ́ wɔhi shi yɛ gbɛ ni baahã eyiŋtoo lɛ aba mli lɛ nɔ lɛ, wɔbaahi eweku lɛ mli kɛya naanɔ.