Shishigbɛ Niŋmaa

a Ani onu pɛŋ ni mɔ ko ni kɛ afii pii esɔmɔ Yehowa lɛ miikɛɛ akɛ, ‘Mikpaaa gbɛ akɛ mahi shi kɛbashi bianɛ ni jeŋ fɔŋ nɛɛ bako naagbee’? Wɔ fɛɛ wɔmiishwe ni Yehowa akpãtã jeŋ fɔŋ nɛɛ hiɛ. Shi wɔmiishwe nakai waa bianɛ po fe tsutsu lɛ yɛ bɔ ni nibii efee yɛ je lɛ mli lɛ hewɔ. Shi esa akɛ wɔto wɔtsui shi. Yɛ nikasemɔ nɛɛ mli lɛ, wɔbaakwɛ Biblia mli shishitoo mlai komɛi ni baaye abua wɔ ni wɔto wɔtsui shi. Agbɛnɛ hu, wɔbaakwɛ nibii enyɔ amli ni ehe hiaa waa ni wɔto wɔtsui shi wɔmɛ Yehowa. Naagbee kwraa lɛ, wɔbaasusu jɔɔmɔi ni mɛi ni baaya nɔ amɛmɛ Yehowa lɛ baaná lɛ ahe.