Yoshua

21 Agbɛnɛ, Levibii lɛ atsɛmɛi ashĩai lɛ anɔ onukpai lɛ tsi amɛbɛŋkɛ osɔfo Eleazar+ kɛ Nun binuu Yoshua kɛ Israel wekui lɛ atsɛmɛi ashĩai lɛ anɔ onukpai lɛ, 2 ni amɛkɛ amɛ wie yɛ Shilo,+ yɛ Kanaan shikpɔŋ lɛ nɔ amɛkɛɛ: “Yehowa tsɔ Mose nɔ efã akɛ ahã wɔ maji ni wɔhi mli, kɛ amɛhe shikpɔji ni kooloi yeɔ nii yɛ nɔ hu, kɛhã kooloi ni wɔlɛɔ lɛ.”+ 3 No hewɔ lɛ, yɛ Yehowa famɔ lɛ naa lɛ, Israelbii lɛ jɛ amɛ diɛŋtsɛ amɛgboshinii lɛ amli amɛhã Levibii lɛ maji nɛɛ+ kɛ amɛhe shikpɔji ni kooloi yeɔ nii yɛ nɔ lɛ.+

4 Oshiki ni afɔ̃ lɛ gbee Kohatbii+ lɛ awekui lɛ anɔ, ni Levibii ni ji osɔfo Aaron seshibii lɛ, atsɔ oshikifɔɔ nɔ ajie maji 13 kɛjɛ Yuda weku+ lɛ kɛ Simeon weku+ lɛ kɛ Benyamin weku+ lɛ nɔ lɛ mli ahã amɛ.

5 Ni Kohatbii ni eshwɛ lɛ, atsɔ oshikifɔɔ nɔ ajie maji nyɔŋma kɛjɛ Efraim weku+ lɛ kɛ Dan weku lɛ kɛ Manase weku lɛ fã+ lɛ nɔ lɛ mli ahã amɛ.

6 Ni Gershonbii+ lɛ, atsɔ oshikifɔɔ nɔ ajie maji 13 kɛjɛ Isakar weku lɛ kɛ Asher weku lɛ kɛ Naftali weku lɛ kɛ Manase weku lɛ fã ni yɔɔ Bashan lɛ nɔ lɛ mli ahã amɛ.+

7 Meraribii+ lɛ, ahã amɛ maji 12 yɛ amɛwekui lɛ anaa kɛjɛ Ruben weku lɛ kɛ Gad weku lɛ kɛ Zebulon weku lɛ nɔ lɛ mli.+

8 No hewɔ lɛ, Israelbii lɛ tsɔ oshikifɔɔ nɔ amɛkɛ maji nɛɛ kɛ amɛhe shikpɔji ni kooloi yeɔ nii yɛ nɔ lɛ hã Levibii lɛ, tamɔ bɔ ni Yehowa tsɔ Mose nɔ efã lɛ pɛpɛɛpɛ.+

9 No hewɔ lɛ, amɛjie maji nɛɛ ni atsĩ amɛgbɛ́ii atã lɛ kɛjɛ Yuda weku lɛ kɛ Simeon weku lɛ nɔ lɛ mli amɛhã amɛ,+ 10 ni akɛ maji nɛɛ hã Aaron bihii ni jɛ Kohatbii lɛ awekui lɛ amli yɛ Levibii lɛ ateŋ lɛ, ejaakɛ amɛ amɛnɔ oshiki ni afɔ̃ klɛŋklɛŋ lɛ gbee. 11 Amɛkɛ Kiriat-arba+ (Arba ji Anak tsɛ), ni ji Hebron,+ ni yɔɔ Yuda gɔji lɛ anɔ lɛ, kɛ ehe shikpɔji ni kooloi yeɔ nii yɛ nɔ lɛ hã amɛ. 12 Shi amɛkɛ maŋ lɛ he shikpɔŋ lɛ kɛ ehe akrowai* lɛ hã Kaleb, Yefune binuu lɛ, akɛ egbɛfaŋnɔ.+

13 Ni osɔfo Aaron bihii lɛ, amɛkɛ Hebron,+ ni ji abobaa maŋ ni ato kɛhã mɔ ko ni egbe gbɔmɔ lɛ,+ kɛ ehe shikpɔji ni kooloi yeɔ nii yɛ nɔ lɛ hã amɛ, kɛ agbɛnɛ hu, Libna+ kɛ ehe shikpɔji ni kooloi yeɔ nii yɛ nɔ lɛ, 14 Yatir+ kɛ ehe shikpɔji ni kooloi yeɔ nii yɛ nɔ lɛ, Eshtemoa+ kɛ ehe shikpɔji ni kooloi yeɔ nii yɛ nɔ lɛ, 15 Holon+ kɛ ehe shikpɔji ni kooloi yeɔ nii yɛ nɔ lɛ, Debir+ kɛ ehe shikpɔji ni kooloi yeɔ nii yɛ nɔ lɛ, 16 Ain+ kɛ ehe shikpɔji ni kooloi yeɔ nii yɛ nɔ lɛ, Yuta+ kɛ ehe shikpɔji ni kooloi yeɔ nii yɛ nɔ lɛ, kɛ Bet-shemesh kɛ ehe shikpɔji ni kooloi yeɔ nii yɛ nɔ lɛ—maji nɛɛhu nɛɛ aŋɔ kɛjɛ wekui enyɔ nɛɛ amli.

17 Ni maji ni ahã amɛ yɛ Benyamin weku lɛ mli ji: Gibeon+ kɛ ehe shikpɔji ni kooloi yeɔ nii yɛ nɔ lɛ, Geba kɛ ehe shikpɔji ni kooloi yeɔ nii yɛ nɔ lɛ,+ 18 Anatot+ kɛ ehe shikpɔji ni kooloi yeɔ nii yɛ nɔ lɛ, kɛ Almon kɛ ehe shikpɔji ni kooloi yeɔ nii yɛ nɔ lɛ—maji ejwɛ.

19 Maji fɛɛ ni ahã Aaron seshibii lɛ, ni ji osɔfoi lɛ ji maji 13 kɛ amɛhe shikpɔji ni kooloi yeɔ nii yɛ nɔ.+

20 Ni Levibii lɛ ateŋ mɛi ni ji Kohatbii lɛ awekui ni eshwɛ lɛ, atsɔ oshikifɔɔ nɔ ahã amɛ maji yɛ Efraim weku lɛ nɔ lɛ mli. 21 Amɛkɛ abobaa maŋ ni ato kɛhã mɔ ko ni egbe gbɔmɔ lɛ,+ ni ji Shekem+ kɛ ehe shikpɔji ni kooloi yeɔ nii yɛ nɔ, ní yɔɔ Efraim gɔji lɛ anɔ lɛ hã amɛ, kɛ agbɛnɛ hu Gezer+ kɛ ehe shikpɔji ni kooloi yeɔ nii yɛ nɔ lɛ, 22 Kibzaim kɛ ehe shikpɔji ni kooloi yeɔ nii yɛ nɔ lɛ, kɛ Bet-horon+ kɛ ehe shikpɔji ni kooloi yeɔ nii yɛ nɔ lɛ—maji ejwɛ.

23 Ni maji ni ahã amɛ yɛ Dan weku lɛ mli ji: Elteke kɛ ehe shikpɔji ni kooloi yeɔ nii yɛ nɔ lɛ, Gibeton kɛ ehe shikpɔji ni kooloi yeɔ nii yɛ nɔ lɛ, 24 kɛ Ayalon+ kɛ ehe shikpɔji ni kooloi yeɔ nii yɛ nɔ lɛ, kɛ Gat-rimon kɛ ehe shikpɔji ni kooloi yeɔ nii yɛ nɔ lɛ—maji ejwɛ.

25 Ni maji ni ahã amɛ yɛ Manase weku lɛ fã lɛ mli ji: Taanak+ kɛ ehe shikpɔji ni kooloi yeɔ nii yɛ nɔ lɛ, kɛ Gat-rimon kɛ ehe shikpɔji ni kooloi yeɔ nii yɛ nɔ lɛ—maji enyɔ.

26 Maji fɛɛ kɛ amɛhe shikpɔji ni kooloi yeɔ nii yɛ nɔ ni Kohatbii lɛ awekui ni eshwɛ lɛ ná lɛ ji maji nyɔŋma.

27 Ni Levibii lɛ awekui lɛ ateŋ mɛi ni ji Gershonbii+ lɛ, Manase weku lɛ fã lɛ hã amɛ abobaa maŋ ni ato kɛhã mɔ ko ni egbe gbɔmɔ lɛ, ni ji Golan+ ni yɔɔ Bashan lɛ, kɛ ehe shikpɔji ni kooloi yeɔ nii yɛ nɔ lɛ, kɛ agbɛnɛ hu, Beeshtera kɛ ehe shikpɔji ni kooloi yeɔ nii yɛ nɔ lɛ—maji enyɔ.

28 Ni maji ni ahã amɛ yɛ Isakar weku lɛ mli ji:+ Kishion kɛ ehe shikpɔji ni kooloi yeɔ nii yɛ nɔ lɛ, Daberat+ kɛ ehe shikpɔji ni kooloi yeɔ nii yɛ nɔ lɛ, 29 Yarmut kɛ ehe shikpɔji ni kooloi yeɔ nii yɛ nɔ lɛ, kɛ En-ganim kɛ ehe shikpɔji ni kooloi yeɔ nii yɛ nɔ lɛ—maji ejwɛ.

30 Ni maji ni ahã amɛ yɛ Asher weku lɛ mli ji:+ Mishal kɛ ehe shikpɔji ni kooloi yeɔ nii yɛ nɔ lɛ, Abdon kɛ ehe shikpɔji ni kooloi yeɔ nii yɛ nɔ lɛ, 31 Helkat+ kɛ ehe shikpɔji ni kooloi yeɔ nii yɛ nɔ lɛ, kɛ Rehob+ kɛ ehe shikpɔji ni kooloi yeɔ nii yɛ nɔ lɛ—maji ejwɛ.

32 Ni maji ni ahã amɛ yɛ Naftali weku lɛ mli ji: Kedesh+ ni yɔɔ Galilea lɛ, ni ji abobaa maŋ+ ni ato kɛhã mɔ ko ni egbe gbɔmɔ lɛ, kɛ ehe shikpɔji ni kooloi yeɔ nii yɛ nɔ lɛ, Hamot-dor kɛ ehe shikpɔji ni kooloi yeɔ nii yɛ nɔ lɛ, kɛ Kartan kɛ ehe shikpɔji ni kooloi yeɔ nii yɛ nɔ lɛ—maji etɛ.

33 Maji fɛɛ ni ahã Gershonbii lɛ yɛ amɛwekui lɛ anaa ji maji 13 kɛ amɛhe shikpɔji ni kooloi yeɔ nii yɛ nɔ.

34 Ni Levibii ni eshwɛ lɛ, ni ji Meraribii+ lɛ awekui lɛ, maji ni ahã amɛ yɛ Zebulon weku lɛ mli ji:+ Yokneam+ kɛ ehe shikpɔji ni kooloi yeɔ nii yɛ nɔ lɛ, Karta kɛ ehe shikpɔji ni kooloi yeɔ nii yɛ nɔ lɛ, 35 Dimna kɛ ehe shikpɔji ni kooloi yeɔ nii yɛ nɔ lɛ, kɛ Nahalal+ kɛ ehe shikpɔji ni kooloi yeɔ nii yɛ nɔ lɛ—maji ejwɛ.

36 Ni maji ni ahã amɛ yɛ Ruben weku lɛ mli ji: Bezer+ kɛ ehe shikpɔji ni kooloi yeɔ nii yɛ nɔ lɛ, Yahaz kɛ ehe shikpɔji ni kooloi yeɔ nii yɛ nɔ lɛ,+ 37 Kedemot kɛ ehe shikpɔji ni kooloi yeɔ nii yɛ nɔ lɛ, kɛ Mefaat kɛ ehe shikpɔji ni kooloi yeɔ nii yɛ nɔ lɛ—maji ejwɛ.

38 Ni maji ni ahã amɛ yɛ Gad weku lɛ mli ji:+ Ramot ni yɔɔ Gilead lɛ,+ ni ji abobaa maŋ ni ato kɛhã mɔ ko ni egbe gbɔmɔ lɛ, kɛ ehe shikpɔji ni kooloi yeɔ nii yɛ nɔ lɛ, Mahanaim+ kɛ ehe shikpɔji ni kooloi yeɔ nii yɛ nɔ lɛ, 39 Heshbon+ kɛ ehe shikpɔji ni kooloi yeɔ nii yɛ nɔ lɛ, kɛ Yazer+ kɛ ehe shikpɔji ni kooloi yeɔ nii yɛ nɔ lɛ—fɛɛ feɔ maji ejwɛ.

40 Meraribii lɛ, ni ji Levibii lɛ awekui lɛ ateŋ mɛi ni eshwɛ lɛ, maji fɛɛ ni ahã amɛ yɛ amɛwekui lɛ anaa ji, maji 12.

41 Maji fɛɛ ni Levibii lɛ ná yɛ Israelbii lɛ agbɛfaŋnii lɛ amli ji maji 48 kɛ amɛhe shikpɔji ni kooloi yeɔ nii yɛ nɔ.+ 42 Maji nɛɛ ateŋ eko fɛɛ eko kɛ ehe shikpɔji ni kooloi yeɔ nii yɛ nɔ—nɛkɛ ji bɔ ni maji nɛɛ fɛɛ yɔɔ.

43 No hewɔ lɛ, Yehowa kɛ shikpɔŋ lɛ fɛɛ ni ekã kitã akɛ ekɛbaahã Israelbii lɛ atsɛmɛi lɛ hã Israel,+ ni amɛŋɔ ni amɛhi nɔ.+ 44 Agbɛnɛ hu, Yehowa hã amɛhe jɔ amɛ yɛ he fɛɛ he, tamɔ bɔ ni ekã amɛtsɛmɛi lɛ kitã lɛ pɛpɛɛpɛ,+ ni amɛhenyɛlɔi lɛ fɛɛ ateŋ mɔ ko mɔ ko nyɛɛɛ amɛhiɛ adamɔ.+ Yehowa kɛ amɛhenyɛlɔi lɛ fɛɛ wo amɛdɛŋ.+ 45 Nibii kpakpai fɛɛ ni Yehowa wo shi* akɛ ebaafee ehã Israelbii lɛ ateŋ ekome folo po ekaaa shi; fɛɛ ba mli.+