2 Kronika

11 Be ni Rehoboam bashɛ Yerusalem lɛ, amrɔ nɔŋŋ ni ebua Yuda shĩa lɛ kɛ Benyamin weku lɛ naa,+ koni amɛkɛ Israel ayawu ni amɛshɔ̃ maŋtsɛyeli lɛ amɛhã Rehoboam ekoŋŋ. Ebua tawulɔi 180,000 ni atsɔse amɛ lɛ* anaa.+ 2 Kɛkɛ ni Yehowa kɛɛ Shemaia,+ anɔkwa Nyɔŋmɔ lɛ gbɔmɔ lɛ* akɛ: 3 “Kɛɛmɔ Solomon binuu Rehoboam, Yuda maŋtsɛ lɛ kɛ Israelbii fɛɛ ni yɔɔ Yuda kɛ Benyamin lɛ akɛ, 4 ‘Nɔ ni Yehowa kɛɛ nɛ: “Nyɛkakwɔa kɛyaa; nyɛkɛ nyɛnyɛmimɛi lɛ akayawua. Mɔ fɛɛ mɔ aku esɛɛ kɛya eshĩa, ejaakɛ miji mɔ ni hã enɛ ba.”’”+ No hewɔ lɛ, amɛbo Yehowa wiemɔ lɛ toi ni amɛku amɛsɛɛ, ni amɛyaaa koni amɛkɛ Yeroboam ayawu.

5 Rehoboam hi Yerusalem, ni eto maji kɛ amɛhe gbogboi yɛ Yuda. 6 Etswa gbogboi ewo maji ni nyiɛ sɛɛ nɛɛ ahe: Betlehem,+ kɛ Etam, kɛ Tekoa,+ 7 kɛ Bet-zur, kɛ Soko,+ kɛ Adulam,+ 8 kɛ Gat,+ kɛ Maresha, kɛ Zif,+ 9 kɛ Adoraim, kɛ Lakish,+ kɛ Azeka,+ 10 kɛ Zora, kɛ Ayalon,+ kɛ Hebron,+ ni ji maji ni atswa gbogboi awo amɛhe ni yɔɔ Yuda kɛ Benyamin. 11 Agbɛnɛ hu, ewaje maji ni atswa gbogboi awo amɛhe lɛ, ni ehala tatsɛmɛi koni amɛkwɛ maji nɛɛ anɔ, ni ehã amɛ niyenii, kɛ mu, kɛ wain, 12 ni ehã maji srɔtoi lɛ fɛɛ tsɛŋi wuji kɛ akpɔlɔi; ewaje maji nɛɛ jogbaŋŋ diɛŋtsɛ. Ni etee nɔ eye Yuda kɛ Benyamin nɔ.

13 Ni osɔfoi kɛ Levibii ni yɔɔ Israel fɛɛ lɛ jɛ amɛshikpɔji lɛ fɛɛ anɔ kɛba ni amɛbafi esɛɛ. 14 Levibii lɛ shi amɛshikpɔji lɛ kɛ hei ni amɛkooloi yeɔ nii yɛ lɛ,+ ni amɛba Yuda kɛ Yerusalem, ejaakɛ Yeroboam kɛ ebihii lɛ hãaa amɛsɔmɔ akɛ osɔfoi amɛhã Yehowa.+ 15 Kɛkɛ ni Yeroboam hala lɛ diɛŋtsɛ esɔfoi ehã hei grɔŋŋi lɛ+ kɛ wɔji ni tamɔ abotiai+ lɛ* kɛ tsinabi amagai ni efee lɛ.+ 16 Ni mɛi ni jɛ Israel wekui lɛ fɛɛ amli ni ekpɛ mli yɛ amɛtsui mli akɛ amɛbaatao Yehowa, Israel Nyɔŋmɔ lɛ sɛɛ gbɛ lɛ, nyiɛ amɛsɛɛ kɛtee Yerusalem koni amɛyashã afɔle amɛhã Yehowa, amɛtsɛmɛi a-Nyɔŋmɔ lɛ yɛ jɛmɛ.+ 17 Amɛwaje Yuda maŋtsɛyeli lɛ ni amɛfi Rehoboam, Solomon binuu lɛ sɛɛ afii etɛ, ejaakɛ amɛnyiɛ yɛ David kɛ Solomon gbɛ lɛ nɔ afii etɛ.

18 Ni Rehoboam kɛ Mahalat bote gbalashihilɛ mli, Mahalat ji David binuu Yerimot kɛ Abihail biyoo. Abihail ji Yishai binuu Eliab+ biyoo. 19 Be ko sɛɛ lɛ, Mahalat fɔ bihii ehã lɛ, amɛji: Yeush, kɛ Shemaria, kɛ Zaham. 20 Mahalat sɛɛ lɛ, ekɛ Maaka, Absalom+ nabi lɛ bote gbalashihilɛ mli. Be ko sɛɛ lɛ, efɔ Abiya,+ kɛ Atai, kɛ Ziza, kɛ Shelomit ehã lɛ. 21 Rehoboam sumɔ Maaka, Absalom nabi lɛ fe eŋamɛi krokomɛi lɛ kɛ ehemɛi lɛ fɛɛ,+ ejaakɛ eyɛ ŋamɛi 18 kɛ hemɛi* 60, ni efɔ bihii 28 kɛ biyei 60. 22 Ni Rehoboam wó Abiya, Maaka binuu lɛ onukpa kɛ hiɛnyiɛlɔ yɛ ebihii lɛ ateŋ, ejaakɛ no mli lɛ ekpɛ eyiŋ akɛ ebaawó lɛ maŋtsɛ. 23 Shi ekɛ hiɛshikamɔ* tsu nii ni ewo ebihii lɛ ekomɛi agbɛ kɛtee* maji ni atswa gbogboi awo amɛhe ni yɔɔ Yuda kɛ Benyamin kpokpai lɛ anɔ lɛ fɛɛ amli,+ ni ehã amɛ nii babaoo ni etao ŋamɛi babaoo ehã amɛ.