Hiob
17 “Mimumɔ ekumɔ, ni migbii lɛ asɛɛ efo;
Gɔɔ lɛ miimɛ mi.+
3 Ofainɛ, hemɔ nɔ ni mikɛtoɔ awaba lɛ, ní ohã ehi oŋɔɔ.
Namɔ ekoŋŋ kɛ mi baata dɛ̃, ni ekɛ nɔ ko baato awaba ehã mi?+
4 Ejaakɛ okɛ sanesɛɛkɔmɔ etee amɛtsui;+
No hewɔ ni owóoo amɛnɔ lɛ.
5 Ekɛɔ enanemɛi akɛ ebaahã amɛ nii ni eyɔɔ lɛ eko,
Be mli ni ebii moŋ ahiŋmɛii anɔ miiha.
6 Ehã mitsɔ nyaŋemɔ nii* yɛ maŋbii lɛ ateŋ,+
Ni no hewɔ lɛ, mitsɔ mɔ ni amɛfɛ̃ɔ lajɔ̃ amɛshwieɔ ehiɛ.+
7 Awerɛhoyeli ehã mihiŋmɛii anɔ eha,+
Ni miniji kɛ minaji fɛɛ etsɔmɔ hɔɔŋ kɛkɛ.
8 Mɛi ni ja lɛ kwɛɔ enɛ ni amɛnaa kpɛɔ amɛhe,
Ni mɔ ni efeko efɔŋ ko lɛ haoɔ yɛ mɛi ni ebuuu Nyɔŋmɔ* lɛ ahewɔ.
10 Shi nyɛ fɛɛ nyɛbaanyɛ nyɛba ni nyɛbatsa nyɛnaataamɔ lɛ nɔ,
Ejaakɛ minako hiɛshikalɔ ko hiɛshikalɔ ko yɛ nyɛteŋ.+
12 Amɛyaa nɔ amɛkɛ jenamɔ feɔ jetsɛremɔ,
Amɛkɛɔ akɛ, ‘La ebɛŋkɛ, ejaakɛ duŋ ewo.’
14 Mabo matsɛ bu*+ lɛ akɛ, ‘Bo ji mipapa!’
Kɛ gɔgɔmi hu akɛ, ‘Mimami kɛ minyɛmi yoo!’
15 Belɛ, nɛgbɛ mihiɛnɔkamɔ yɔɔ?+
Namɔ baanyɛ ana hiɛnɔkamɔ ahã mi?