Hiob
21 Hiob jie naa akɛ:
2 “Nyɛboa nɔ ni miwieɔ lɛ toi jogbaŋŋ;
Nyɛhãa enɛ afea nɔ ni nyɛkɛbaashɛje mimii.
3 Nyɛnáa tsui nyɛhãa mi ní mawie;
Kɛ́ miwie migbe naa lɛ, nyɛbaanyɛ nyɛye mihe fɛo.+
4 Ani gbɔmɔ mijajeɔ misane lɛ mitsɔɔ?
Kɛ́ nakai ni lɛ, ani kulɛ mato mitsui shi?*
5 Nyɛkwɛa mi, ní nyɛnaa akpɛa nyɛhe;
Nyɛkɛ nyɛnine atoa nyɛnaa.
6 Kɛ́ misusu he lɛ, egbaa minaa waa,
Ni migbɔmɔtso muu lɛ fɛɛ kpokpoɔ.
8 Amɛbii yɛ amɛhiɛ be fɛɛ be,
Ni amɛnaa amɛseshibii.
9 Amɛshĩai yɛ shweshweeshwe, amɛsheee nɔ ko gbeyei,+
Ni Nyɔŋmɔ kɛ etso lɛ gbalaaa amɛtoi.
10 Amɛtsinahii kwɔɔ tsinayei ní efeee efolo;
Amɛtsinayei fɔɔ ní amɛmusu sharakeee.
11 Amɛbihii joɔ foi yɛ agbó naa tamɔ tooku,
Ni amɛbii tumɔɔ kɛyaa kɛbaa.
13 Amɛyeɔ amɛgbii lɛ kɛ tsui ni enyɔ mɔ mli
14 Shi amɛkɛɔ anɔkwa Nyɔŋmɔ lɛ akɛ, ‘Kaagba wɔnaa!
Wɔsumɔɔɔ ni wɔle ogbɛi lɛ.+
15 Namɔ ji Ofe lɛ, ní wɔɔsɔmɔ lɛ?+
Kɛ́ wɔná wɔle lɛ lɛ, mɛni wɔbaaná?’+
16 Shi mile akɛ amɛbɛ hewalɛ yɛ amɛninámɔ nɔ.+
Mikɛ mɛi fɔji asusumɔ* lɛ teŋ jekɛ waa.+
17 Shii enyiɛ agbeɔ mɛi fɔji akane?+
Shii enyiɛ oshãra baa amɛnɔ?
Shii enyiɛ Nyɔŋmɔ kpãtãa amɛhiɛ yɛ emlifu mli?
19 Nyɔŋmɔ kɛ mɔ ko toigbalamɔ baato ehã ebii.
Shi Nyɔŋmɔ ato lɛ najiaŋ koni ená ele.+
20 Lɛ diɛŋtsɛ ehiŋmɛii ana ehiɛkpatamɔ lɛ,
Ní lɛ enu Ofe lɛ mlifu lɛ eko.+
23 Mɔ ko gboɔ be ni eyɛ hewalɛ kpintiŋkpliŋŋ+
Be ni ebɛ naagba ko ní ehe ejɔ lɛ,+
24 Be ni eshuɔji ewo fɔ
Ní ewuiaŋ wa.*
25 Shi mɔ kroko hu gboɔ be ni ehao waa,*
Ní esako enaa nibii kpakpai dã.
28 Ejaakɛ nyɛkɛɔ akɛ, ‘Nɛgbɛ gbɔmɔ wulu lɛ shĩa lɛ yɔɔ,
Ni nɛgbɛ mama tsũ ni gbɔmɔ fɔŋ lɛ hi mli lɛ yɔɔ?’+
29 Ani nyɛbiko gbɛfalɔi lɛ?
Ani nyɛpɛiii nii ni amɛkpa shi amɛna lɛ amli* jogbaŋŋ,
30 Akɛ ahãa gbɔmɔ fɔŋ yeɔ ehe yɛ amanehulu gbi nɔ,
Ni ahereɔ lɛ yɛ mlifu gbi nɔ?
31 Namɔ baakã ehiɛ yɛ egbɛ lɛ hewɔ,
Ni namɔ baato lɛ najiaŋ yɛ nɔ ni efee lɛ he?
32 Kɛji awó lɛ kɛtee gɔɔ mli lɛ,
Abaashi kpe kɛbu efuuhe lɛ he.
33 Jɔɔ* mli sũ kukulii lɛ baaŋɔɔ enaa,+
Ni gbɔmɛi adesai fɛɛ baanyiɛ esɛɛ*+
Tamɔ mɛi babaoo ni anyɛŋ akane ni etsɔ ehiɛ lɛ.
34 No hewɔ lɛ, mɛni hewɔ nyɛwieɔ wiemɔi ni he bɛ sɛɛnamɔ akɛ nyɛkɛmiishɛje mimii lɛ?+
Nyɛhetoi lɛ, amale sɔŋŋ kɛkɛ ni!”