Solomon Lala

2 “Mitamɔ ŋa nɔ* safron fɔfɔi kɛkɛ,

Lili fɔfɔi yɛ jɔi amli.”+

 2 “Bɔ ni lili fɔfɔi yɔɔ yɛ ŋmei tsei ateŋ lɛ

Nakai misuɔlɔ lɛ yɔɔ yɛ oblayei* lɛ ateŋ.”

 3 “Bɔ ni apol tso yɔɔ yɛ koo mli tsei ateŋ lɛ,

Nakai misuɔlɔ lɛ yɔɔ yɛ oblahii* lɛ ateŋ.

Miishwe waa ni mata ehɔɔŋ lɛ shishi,

Ni eyibii lɛ ŋɔɔ minaa.

 4 Ekɛ mi ba shĩa ni aŋmɛɔ okpɔlɔ yɛ mli lɛ* mli,

Ni eflaŋaa ni ma minɔ ji esuɔmɔ lɛ.

 5 Okɛ wain yibii keekii*+ ajɔɔ mitsui he;

Okɛ apol awaje mi,

Ejaakɛ suɔmɔ ewo mi hela.

 6 Enine abɛku yɛ miyitso shishi,

Ni ekɛ eninejurɔ efua mi.+

 7 Yerusalem biyei ee, nyɛkãa mi kitã

Nyɛkɛ ŋa nɔ adowai+ lɛ kɛ baayelɔyei lɛ akãa mi kitã akɛ:

Naa! Eeba,

Eekwɔ gɔji lɛ, eetumɔ yɛ gɔŋkpɔi lɛ anɔ.

Naa lɛ, edamɔ wɔgbogbo lɛ sɛɛ,

Eekwɛ samfɛji lɛ amli,

Eefili kɛmiitsɔ samfɛji lɛ fɔji lɛ amli.

‘Misuɔlɔ tee shi,

Miyoo ni he yɔɔ fɛo, ba ni wɔtee.

12 Fɔfɔii lɛ miijie amɛhiɛ kpo yɛ shikpɔŋ lɛ nɔ,+

Be ni akɛsaa tsei ahe lɛ eshɛ,+

Ni aanu ŋa mli okpo gbee yɛ wɔshikpɔŋ lɛ nɔ.+

13 Agbami tso lɛ klɛŋklɛŋ yibii lɛ ebɔi tsuu;+

Wain tsei lɛ egba fɔfɔi ni amɛmiifã ŋma.

14 Ao miloofɔlɔ okpo, bo mɔ ni ohiɔ tɛsaa fɔji amli,+

Ni ohiɔ fɔji ni yɔɔ gɔŋkpɔi amli,

Hã mana bo, ni manu ogbee,+

Ejaakɛ ogbee ŋɔɔ ni ohe hu yɛ fɛo.’”+

15 “Nyɛmɔmɔa osɔi lɛ nyɛhãa wɔ,

Osɔi bibii ni fiteɔ wain tsei lɛ,

Ejaakɛ wɔwain tsei lɛ egba fɔfɔi.”

17 Misuɔlɔ, kuu osɛɛ kɛba oya,

Tamɔ adowa+ loo baayelɔ*+ yɛ gɔji ni kã wɔteŋ lɛ anɔ,*

Dani kɔɔyɔɔ atswa blɛoo yɛ gbi lɛ mli,* dani hɔɔŋ alaaje.