LALA 54
“Gbɛ Lɛ Nɛ”
1. Nyiɛmɔ toiŋjɔlɛ gbɛ
Ni hi fe fɛɛ lɛ nɔ.
Anɔkwafoi ni hi shi
Yɛ blema nyiɛ nɔ.
Gbɛ ni Yesu Kristo tsɔɔ
Akɛ anyiɛ nɔ.
Toiŋjɔlɛ gbɛ nɛɛ yɛ
Nyɔŋmɔ Wiemɔ lɛ mli.
(NƆHEREMƆ)
Nyiɛmɔ naanɔ wala Gbɛ krɔŋŋ lɛ nɔ!
Kaakwɛ osɛɛ; Kaaje gbɛ nɛɛ nɔ kwraa!
Nyɔŋmɔ kɛɔ akɛ: ‘Wala gbɛ nɛ;
Kaaku osɛɛ; nyiɛmɔ gbɛ nɛɛ nɔ daa.’
2. Nyiɛmɔ suɔmɔ gbɛ
Ni hi jogbaŋŋ lɛ nɔ daa.
Nyɔŋmɔ ehã wɔle
Esuɔmɔ ni nɔ bɛ.
Anɔkwa suɔmɔ nɛɛ
Hãa wɔjieɔ suɔmɔ kpo.
Nyɔŋmɔ suɔmɔ gbɛ nɛɛ
Baatsake wɔjeŋba.
(NƆHEREMƆ)
Nyiɛmɔ naanɔ wala Gbɛ krɔŋŋ lɛ nɔ!
Kaakwɛ osɛɛ; Kaaje gbɛ nɛɛ nɔ kwraa!
Nyɔŋmɔ kɛɔ akɛ: ‘Wala gbɛ nɛ;
Kaaku osɛɛ; nyiɛmɔ gbɛ nɛɛ nɔ daa.’
3. Nyiɛmɔ wala gbɛ
Kpakpa lɛ nɔ be fɛɛ be.
Wɔ-Nyɔŋmɔ kɛɔ akɛ
No ji toiŋjɔlɛ gbɛ.
No nɔŋŋ ji suɔmɔ gbɛ
Ni hãa wɔnáa miishɛɛ.
Naanɔ wala gbɛ nɛ;
Shidaa ahã Nyɔŋmɔ.
(NƆHEREMƆ)
Nyiɛmɔ naanɔ wala Gbɛ krɔŋŋ lɛ nɔ!
Kaakwɛ osɛɛ; Kaaje gbɛ nɛɛ nɔ kwraa!
Nyɔŋmɔ kɛɔ akɛ: ‘Wala gbɛ nɛ;
Kaaku osɛɛ; nyiɛmɔ gbɛ nɛɛ nɔ daa.’
(Kwɛmɔ Lala 32:8; 139:24; Abɛi 6:23 lɛ hu.)