LALA 75
“Naa Mi! Tsu Mi!”
1. Ŋmɛnɛ, mɛi gbeɔ Nyɔŋmɔ he guɔ;
Amɛbuleɔ egbɛ́i krɔŋkrɔŋ.
Mɛi kɛɔ akɛ eyitsoŋ wa.
Kwashiai kɛɔ akɛ: ‘Nyɔŋmɔ bɛ.’
Namɔ baajie Yehowa yi?
Namɔ baatse egbɛ́i lɛ he?
(NƆHEREMƆ 1)
‘Naa mi, Nuŋtsɔ! Tsu mi! Tsu mi!
Malá kɛjie ogbɛ́i yi daa.
Owo mihiɛ nyam kɛ hegbɛ nɛɛ.
Naa mi, Nuŋtsɔ! Tsu mi daa!’
2. Mɛi kɛɔ akɛ Nyɔŋmɔ yɛ shɔ̃ɔ;
Asheee Yehowa gbeyei kwraa.
Mɛi kotoɔ tso kɛ tɛ nyɔŋmɔi;
Mɛi pii hu sɔmɔɔ Kaisare.
Namɔ baabɔ mɔ fɔŋ kɔkɔ?
Namɔ baawa kɛbaa eyi?
(NƆHEREMƆ 2)
‘Naa mi, Nuŋtsɔ! Tsu mi! Tsu mi!
Mikɛ ekãa baabɔ kɔkɔ.
Owo mihiɛ nyam kɛ hegbɛ nɛɛ.
Naa mi, Nuŋtsɔ! Tsu mi daa!’
3. Ŋmɛnɛ, efɔŋfeemɔ efa,
Hewɔ, jalɔi yeɔ ŋkɔmɔ.
Amɛmiitao anɔkwale
Ni hãa anáa tsuiŋ toiŋjɔlɛ.
Namɔ baashɛje amɛmii?
Namɔ baatsɔɔ mɛi jalɛ gbɛ?
(NƆHEREMƆ 3)
‘Naa mi, Nuŋtsɔ! Tsu mi! Tsu mi!
Matsɔɔ mɛi onɔkwalei fɛɛ.
Owo mihiɛ nyam kɛ hegbɛ nɛɛ.
Naa mi, Nuŋtsɔ! Tsu mi daa!’
(Kwɛmɔ Lala 10:4; Ezek. 9:4 lɛ hu.)