“Nyɛtoa Nyɛtsui Shi”

1. Yehowa, wɔ-Tsɛ Ofe,

Sumɔɔ egbɛ́i krɔŋkrɔŋ jogbaŋŋ.

Shi mɛi pii gbeɔ he guɔ daa,

Hewɔ, ebaatse egbɛ́i he.

Eto etsui shi diɛŋtsɛ

Kɛjɛ Adam yinɔ tɔ̃ɔ.

Etsuishitoo sɛɛ etsɛ,

Shi etɔko lɛ kwraa.

Eesumɔ ni ehere

Mɛi srɔtoi fɛɛ ayiwala.

Yehowa tsuishitoo nɛɛ

Efeko yaka; enɔ bɛ.

2. Tsuishitoo baawa wɔ fɛɛ

Ni wɔnyiɛ Nyɔŋmɔ gbɛ nɔ daa.

Tsuishitoo jɔɔ wɔtsui he;

Kɛ́ wɔmli fu, wɔfeŋ esha.

Wɔjwɛŋ nɔ fɔŋ he wɔhãŋ

Wɔnyɛmimɛi kɛ mɛi fɛɛ.

Tsuishitoo hãa wɔfiɔ shi

Yɛ fimɔ bei amli.

Mumɔ krɔŋkrɔŋ yibii fɛɛ,

Kɛ́ wɔjie kpo wɔtsɔɔ mɛi daa,

No baaye abua wɔ fɛɛ

Ni wɔkase Yehowa daa.