SANEBIMƆ 17
Mɛɛ gbɛ nɔ Biblia lɛ baanyɛ aye abua oweku lɛ?
WUMƐI/TSƐMƐI
“Yɛ nakai gbɛ nɔŋŋ nɔ lɛ, wumɛi asumɔ amɛŋamɛi tamɔ amɛ diɛŋtsɛ amɛgbɔmɔtsei. Nuu ni sumɔɔ eŋa lɛ, lɛ diɛŋtsɛ ehe esumɔɔ, ejaakɛ gbɔmɔ ko gbɔmɔ ko enyɛko lɛ diɛŋtsɛ egbɔmɔtso dã, shi moŋ elɛɔ lɛ ni edɔɔ he, . . . Nyɛteŋ mɔ fɛɛ mɔ asumɔ eŋa tamɔ lɛ diɛŋtsɛ ehe.”
“Nyɛ tsɛmɛi lɛ, nyɛkawoa nyɛbii amlifu, shi moŋ nyɛyaa nɔ nyɛkwɛa amɛ yɛ Yehowa tsɔsemɔ kɛ eŋaawoo lɛ mli.”
ŊAMƐI
“Esa akɛ ŋa lɛ aná bulɛ ni mli kwɔ ehã ewu.”
“Nyɛ ŋamɛi lɛ, nyɛbaa nyɛhe shi nyɛwoa nyɛwumɛi ashishi, ejaakɛ no sa yɛ Nuŋtsɔ lɛ mli.”
BII
“Bii, nyɛboa nyɛfɔlɔi atoi yɛ Nuŋtsɔ lɛ mli, ejaakɛ enɛ ja. ‘Okɛ woo ahã opapa kɛ omami’ ji klɛŋklɛŋ kitã ni hiɛ shiwoo akɛ: ‘Koni ahi ahã bo, ni otsɛ yɛ shikpɔŋ lɛ nɔ.’”
“Nyɛ bii lɛ, nyɛboa nyɛfɔlɔi atoi yɛ nɔ fɛɛ nɔ mli, ejaakɛ enɛ sa Nuŋtsɔ lɛ hiɛ jogbaŋŋ.”