-
Nyɔŋmɔ Jwɛŋɔ OheBuu-Mɔɔ—1996 | March 1
-
-
Ni kɛlɛ, yɛ nɛkɛ jaramɔ be nɛɛ mli fɛɛ lɛ, David ná nɔmimaa akɛ Yehowa jwɛŋɔ ehe diɛŋtsɛ. Ekɛɛ Yehowa yɛ sɔlemɔ mli akɛ: “Okaneɔ mitsomlomɔi lɛ.” Hɛɛ, kɛha David lɛ, efee tamɔ nɔ ni Yehowa eŋmala amanehului ni etsɔ mli lɛ fɛɛ ewo wolo mli. Kɛkɛ ni David kɛfata he akɛ: “Okɛ mihiɛ yaafonui awo otɔ lɛ mli! Ani amɛbɛ owolo lɛ mli?”a (Lala 56:9) David kɛ nɛkɛ mfoniri feemɔ nɛɛ tsɔɔ hekɛnɔfɔɔ ni eyɔɔ akɛ, jeee shihilɛ lɛ pɛ kɛkɛ Yehowa le, shi moŋ ele bɔ ni esaa ehe ehaa yɛ henumɔŋ hu.
-
-
Nyɔŋmɔ Jwɛŋɔ OheBuu-Mɔɔ—1996 | March 1
-
-
a Wolo tɔ ji kooloo hewolo ni akpɛ ni akɛ nibii tamɔ nu, mu, fufɔ, wein, butru, kɛ keesuu woɔ mli. Blema tɔi lɛ yɛ sɔrɔtoi yɛ amɛdaramɔ kɛ bɔ ni akpɛ lɛ aha lɛ gbɛfaŋ, ni ekomɛi lɛ, afee lɛ kooloo hewolo ni akɛkpɛ baagi, kɛ ekrokomɛi hu tɔi kɛ amɛkuɛ bloblo ni anyɛɔ atsĩɔ naa.
-