Woji, Woji, Woji!

“Woji babaoo feemɔ lɛ ebɛ naagbee,” taakɛ nilelɔ Maŋtsɛ Salomo ni hi shi blema lɛ ŋma lɛ. (Jajelɔ 12:12) Yɛ 1995 mli lɛ, afee nɔ ni kɛ aja mli lɛ, eehe eshɛ wolo kome yɛ Britain kɛha gbɔmɛi 580 fɛɛ ni yɔɔ maŋ muu lɛ mli lɛ, ni enɛ ha nakai maŋ lɛ bafee maŋ ni nyiɛ hiɛ yɛ woji heei afeemɔ mli yɛ je lɛŋ fɛɛ. China, ni ji maŋ ni mli bii fa fe fɛɛ lɛ, ye gbɛhe ni ji enyɔ, kɛ woji heei 92,972 kɛji akɛto Britain nɔ̃ 95,015 lɛ he. Germany nyiɛ sɛɛ (woji 67,206), no sɛɛ lɛ, United States (49,276), ni France nyiɛ sɛɛ (41,234). “Britain nɔ ni fa fe fɛɛ yɛ je lɛŋ jɛ Ŋleshi Blɔfo wiemɔ lɛ hewɔ titri,” taakɛ The Daily Telegraph adafitswaa wolo ni akalaa yɛ London lɛ wie lɛ.

Amaniɛbɔi tsɔɔ akɛ, woji ahɔ̃ɔmɔ jarayeli lɛ kɛ afii babaoo etee nɔ enɔ egbɔ aahu, ni amrɔ nɛɛ, mɛi ni edara ni yɔɔ Britain lɛ oha mlijaa 80 pɛ heɔ wolo kome loo nɔ̃ ni fa fe nakai yɛ afi mli. Shi ani gbɔmɛi kaneɔ woji ni amɛheɔ lɛ fɛɛ?

Biblia lɛ ji wolo kome ko ni aaja ni aakane lolo, ni amrɔ nɛɛ efãi komɛi loo wolo muu lɛ fɛɛ yɛ wiemɔi ni fa fe 2,120 mli. Kɛji obɛ bo diɛŋtsɛ onɔ kɛbashi bianɛ lɛ, yaa Buu Mɔɔ Asafo lɛ nitsumɔhe ni bɛŋkɛ bo fe fɛɛ lɛ ni oyahe eko. Kɛji oyɛ Biblia lɛ, kɔ koni okane Ŋmalɛi ni atsɛ, ni jeɔ kpo yɛ wolo tɛtrɛɛ nɛɛ mli saji ni aŋmala lɛ amli lɛ. Kɛ́ ofee nakai lɛ, obaaná Biblia mli nilee ni haa mɔ wala lɛ.