• “Nyɛmli Afilia Nyɛ Kɛyaa Naanɔ yɛ Nii ní Mibɔɔ lɛ Ahewɔ”
    Yesaia Gbalɛ Lɛ—La Kɛha Adesai Fɛɛ II

    • He ní Akɛfɔ̃ɔ “Shade Wɔŋ” Nɔ

      13, 14. Mɛɛ nifeemɔi tsɔɔ akɛ Nyɔŋmɔ webii lɛ ekwa lɛ, ni mɛni baaba amɛnɔ yɛ no hewɔ?

      13 Agbɛnɛ Yesaia gbalɛ lɛ ku sɛɛ kɛtee mɛi ní ekwa Yehowa, ní amɛkã he yɛ wɔŋjamɔ mli lolo lɛ anɔ. Ekɛɛ akɛ: “Nyɛ mɛi ní nyɛkwa Yehowa, ní nyɛhiɛ ekpa egɔŋ krɔŋkrɔŋ lɛ nɔ, ní nyɛŋmɛɔ okpɔlɔ nyɛhaa shade wɔŋ, ní nyɛfɔseɔ wein ní afutu mli nyɛshwieɔ shi nyɛhaa shɛɛ mli wɔŋ lɛ.” (Yesaia 65:11) Niyenii kɛ dãa okpɔlɔ ní amɛŋmɛɔ amɛhaa “shade wɔŋ” kɛ “shɛɛ mli wɔŋ” lɛ hewɔ lɛ, nɛkɛ Yudafoi sɛɛsɛɛyalɔi nɛɛ kɛ amɛhe eyawo jeŋmaji wɔŋjalɔi lɛ awɔŋjamɔ nifeemɔi lɛ amli.b Mɛni baaba mɛi fɛɛ ní kɛ amɛhiɛ fɔ̃ɔ nyɔŋmɔi nɛɛ anɔ yɛ hemɔkɛyeli mli lɛ anɔ?

  • “Nyɛmli Afilia Nyɛ Kɛyaa Naanɔ yɛ Nii ní Mibɔɔ lɛ Ahewɔ”
    Yesaia Gbalɛ Lɛ—La Kɛha Adesai Fɛɛ II

    • 15. Kristofoi boɔ kɔkɔbɔɔ ní anaa yɛ Yesaia 65:11, 12 lɛ toi yɛ mɛɛ gbɛ nɔ?

      15 Ŋmɛnɛ, anɔkwa Kristofoi boɔ kɔkɔbɔɔ ní anaa yɛ Yesaia 65:11, 12 lɛ toi. Amɛheee “shade wɔŋ” ko amɛyeee, tamɔ nɔ ni eji hewalɛ ko ní nɔ kwɔ fe adesai anɔ̃, ní nyɛɔ efeɔ mɛi ejurɔ. Akɛni amɛsumɔɔɔ ní amɛkpata heloonaa nibii ní amɛyɔɔ lɛ hiɛ ákɛ amɛkɛmiibɔ mɔdɛŋ ní amɛsa “shade wɔŋ” lɛ hiɛ hewɔ lɛ, amɛtsiɔ amɛhe kɛjɛɔ asɔshwɛmɔi srɔtoi fɛɛ he. Amɛyɛ nɔmimaa akɛ yɛ naagbee lɛ, mɛi ní tuuɔ amɛhe amɛhaa nyɔŋmɔ nɛɛ anɔ fɛɛ nɔ ní amɛyɔɔ lɛ baaje amɛdɛŋ, ejaakɛ Yehowa kɛɔ nakai gbɔmɛi lɛ akɛ: “Mato nyɛ maha klante.”