Yesu Shihilɛ Kɛ Esɔɔmɔ Nitsumɔ

Yooshwiemɔ Kɛ Suɔmɔ Kɛha Gbekɛbii Ahe Nikasemɔi

YESU kɛ ekaselɔi Iɛ nyiɛ gbɛ kɛmiiya Yerusalem koni amɛyaye Hehoo lɛ yɛ afi 33 Ŋ.B. Amɛfo Yordan Faa Iɛ ni amɛtsɔ gbɛ ni kɛ mɔ yaa Perea niiaŋ Iɛ nɔ. No mli lɛ Yesu etsɔ hiɛ eba Perea otsii fioo ko nɛ, kɛkɛ ni atsɛ lɛ akɛ eba Yudea akɛ enaanyo Lazaro he miiye. Beni eyɔɔ Perea lɛ, Yesu kɛ Farisifoi Iɛ wie gbalamlitsemɔ loo yooshwiemɔ he, kɛkɛ ni amɛwo sane Iɛ nɔ ekoŋŋ.

Farisifoi lɛ hiɛ jwɛŋmɔi sɔrɔtoi yɛ yooshwiemɔ he. Mose kɛɛ akɛ abaanyɛ ashwie yoo kɛji akɛ ana “hiɛgbejianii ko yɛ ehe lɛ.” Mɛi komɛi heɔ yeɔ akɛ enɛ damɔ shi kɛha bɔlɛ ni ekɛ mɔ kroko aaana ni baaha efee mɔ ni he tseee. Shi mɛi krokomɛi susuɔ “hiɛgbejianii” nɛɛ he akɛ tɔmɔi bibii fata he. No hewɔ lɛ, akɛni amɛmiibɔ mɔdɛŋ ni amɛka Yesu hewɔ lɛ, Farisifoi lɛ bi akɛ: “Ani eja akɛ nuu shwieɔ eŋa yɛ sane fɛɛ sane hewɔ?” Amɛyɛ hekɛnɔfɔɔ akɛ nɔ fɛɛ nɔ ni Yesu baakɛɛ lɛ kɛ naataomɔ baaba ekɛ Farisifoi ni hiɛ jwɛŋmɔ kroko lɛ ateŋ.

Yesu kɛ nilee tsu nakai sanebimɔ Iɛ he nii, etsɛɛɛ adesai ajwɛŋmɔ ko yisɛɛ shi moŋ etee shishijee gbalashihilɛ Iɛ he. Ebi amɛ akɛ, “Ani nyɛkaneko akɛ, mɔ ni bɔ gbɔmɔ yɛ shishijee lɛŋ lɛ, ‘nuu kɛ yoo ebɔ amɛ’? Ni ekɛɛ: ‘Enɛ hewɔ ni nuu aaashi etsɛ kɛ enyɛ ni eeekpɛtɛ eŋa he, ni amɛyi enyɔ lɛ fɛɛ amɛaatsɔ heloo kome lɛ,’ belɛ amɛjeee mɛi enyɔ dɔŋŋ, shi moŋ heloo kome; no hewɔ lɛ, nɔ ni Nyɔŋmɔ eŋɔtsa lɛ, akaha gbɔmɔ miigbala mli.”

Yesu miitsɔɔ akɛ Nyɔŋmɔ shishijee yiŋtoo ji akɛ gbalashihilɛ mli hefatalɔi ahi shi yɛ ekomefeemɔ mli ni akɛ amɛkatse gbala mli. Kɛji nakai ni lɛ, Farisifoi Iɛ ha hetoo akɛ, “mɛɛ hewɔ mɔ ni Mose wo kita akɛ aha yooshwiemɔ wolo ni ashwie Iɛ mɔ?”

Yesu ha hetoo akɛ: “Nyɛtsuiwalɛ hewɔ ni Mose ha nyɛ hegbɛ akɛ nyɛshwie nyɛŋamɛi Iɛ; shi shishijee lɛŋ lɛ ebɛ nakai.” Hɛɛ, beni Nyɔŋmɔ kɛ anɔkwa gbalashihilɛ he tɛi ni afolɔ ashwie shi Iɛ ha yɛ Eden abɔɔ Iɛ mli lɛ, etooo gbɛjianɔ ko ehaaa yooshwiemɔ.

Yesu tee nɔ ekɛɛ Farisifoi lɛ akɛ: “Shi miikɛɛ nyɛ akɛ: Mɔ fɛɛ mɔ ni jeee ajwamaŋbɔɔ [Hela, por·neiʹa] hewɔ jɛ ni eeeshwie eŋa ni eyawɛ yoo kroko lɛ, efite gbala.” Belɛ eetsɔɔ akɛ por·neiʹa ni ji ahoshwibɔɔ, ji gbɛ kome pɛ ni Nyɔŋmɔ ekpɛlɛ nɔ ni atsɔɔ nɔ afiteɔ gbala.

Akɛni kaselɔi Iɛ yoo akɛ esa akɛ gbalashihilɛ afee ekomefeemɔ ni hiɔ shi daa ni enɛ pɛ nɔ adamɔɔ afiteɔ gbala lɛ hewɔ Iɛ, no tsirɛ amɛ ni amɛkɛɛ: “Kɛji nɛkɛ nuu kɛ eŋa sane yɔɔ lɛ, belɛ ehiii akɛ awɛɔ yoo mɔ.” Ŋwanejee ko bɛ he akɛ esa akɛ mɔ ni toɔ eyiŋ akɛ ebaabote gbalashihilɛ mli lɛ kɛ hiɛdɔɔ asusu bɔ ni nɛkɛ gbalashihilɛ mli tsakpaa nɛɛ hiɔ shi daa lɛ he!

Kɛkɛ ni Yesu tee nɔ ewie oshijayeli he. Etsɔɔ mli akɛ afɔɔ gbekɛbii hii komɛi osaii, ni amɛnyɛŋ amɛbote gbalashihilɛ mli akɛni amɛbɔlɛnamɔ he nibii daraaa kɛyaaa hiɛ hewɔ. Gbɔmɛi feɔ mɛi komɛi osaii, amɛkɛ yiwalɛ feɔ amɛ nakai koni amɛkanyɛ amɛna bɔlɛ. Yɛ naagbee lɛ, mɛi komɛi baa akɔnɔ ni amɛnaa akɛ amɛaabote gbalashihilɛ mli ni amɛna bɔlɛnamɔ mli ŋɔɔmɔ Iɛ shi bɔni afee ni amɛnyɛ amɛtu amɛbe babaoo amɛha saji ni kɔɔ ŋwɛi Maŋtsɛyeli lɛ he. Yesu mu sane naa akɛ: “Mɔ ni aaanyɛ mli amɔ [oshijayeli] Iɛ, ha emɔ mli.”

Kɛkɛ ni gbɔmɛi Iɛ je shishi akɛ amɛkɛ amɛbii bibii lɛ aaaba Yesu ŋɔɔ. Shi kaselɔi lɛ bolɔ wo gbekɛbii Iɛ ni amɛbɔ mɔdɛŋ ni amɛshwie amɛ, ŋwanejee ko bɛ he akɛ amɛmiisumɔ ni amɛbu Yesu he kɛjɛ naagbai ni he ehiaaa he. Shi Yesu kɛɛ amɛ akɛ: “Nyɛhaa gbekɛbii lɛ abaa miŋɔɔ; nyɛkabɔa mɔdɛŋ nyɛtsia amɛgbɛ, ejaakɛ gbɔmɛi ni tamɔ nɛkɛ lɛ anɔ ji Nyɔŋmɔ maŋtsɛyeli lɛ. Lɛlɛŋ miikɛɛ nyɛ akɛ mɔ fɛɛ mɔ ni heee Nyɔŋmɔ maŋtsɛyeli Iɛ tamɔ gbekɛ bibioo Iɛ nyɛŋ abote mli.”

Mɛni nikasemɔi kpakpai Yesu kɛhaa yɛ biɛ nɛkɛ! Dani wɔnine aaashɛ Nyɔŋmɔ Maŋtsɛyeli lɛ nɔ lɛ, esa akɛ wɔkase gbekɛbii aheshibaa kɛ bɔ ni anyɛɔ atsɔɔ amɛ nii lɛ. Shi Yesu nɔkwɛmɔ nɔ lɛ hu maa bɔ ni ehe hiaa akɛ titri lɛ fɔlɔi aaafite be yɛ amɛbii bibii lɛ ahe lɛ nɔ mi. Kɛkɛ ni Yesu jie esuɔmɔ kpo etsɔɔ gbekɛbii Iɛ kɛtsɔ loomɔ ni eloo amɛ atuu ni ejɔɔ amɛ lɛ nɔ. Mateo 19:​1-15, New World Translation; 5 Mose 24:1; Luka 16:​18; Marko 10:​1-16; Luka 18:​15-17.

◆ Mɛɛ jwɛŋmɔi sɔrɔtoi Farisifoi lɛ hiɛ yɛ yooshwiemɔ he, no hewɔ lɛ amɛbɔ mɔdɛŋ ni amɛka Yesu yɛ mɛɛ gbɛ nɔ?

◆ Te Yesu tsu mɔdɛŋ ni Farisifoi lɛ bɔ ni amɛka lɛ Iɛ he nii eha tɛŋŋ, ni mɛni ekɛha akɛ no pɛ adamɔɔ nɔ ashwieɔ yoo?

◆ Mɛni hewɔ Yesu kaselɔi lɛ kɛɛ akɛ belɛ ehe ehiaaa ni abote gbalashihilɛ mli mɔ lɛ, ni mɛɛ ŋaawoo Yesu kɛha?

◆ Gbɛ ni Yesu tsɔ nɔ ni ekɛ gbekɛbii lɛ ye ha Iɛ tsɔɔ mɛni?