Nyɔŋmɔ efɔse emumɔ krɔŋkrɔŋ lɛ eshwie Simeon nɔ ni ekɛ kpojiemɔ ko duro lɛ. Simeon gboŋ, ja ena Mɔ ni baatsɔ Mesia lɛ dã. Shi gbii kɛ nyɔji abɔ miiho. Simeon miigbɔ, ni enyɛŋ ekpa gbɛ akɛ ebaahi shi be kakadaŋŋ ko dɔŋŋ. Ani Nyɔŋmɔ shi ni ewo lɛ lɛ baaba mli?

Kwɛ miishɛɛ ni Simeon kɛwo gbekɛ Yesu lɛ ehiɛ edɛ! Mɔnɛ baafee Mesia ni awo shi yɛ ehe lɛ—“Yehowa Kristo lɛ.” Simeon hiɛ kaaa nɔ akɛ eeena ni Yesu miitsu E-shikpɔŋ nɔ nitsumɔ lɛ yɛ egbɔlɛ babaoo nɛɛ mli. Kɛlɛ, eŋɔɔ enaa waa akɛ ena lɛ akɛ abifao. Mesia gbalɛi lɛ ebɔi mlibaa. Kwɛ bɔ ni Simeon mii eshɛ ehe eha! Agbɛnɛ etsui baanyɔ emli akɛ eeewɔ yɛ gbele mli kɛyashi gbohiiashitee lɛ aaaba.—Luka 2:25-28, New World Translation.